فيديو: إيجاد وسيط مجموعة بيانات مُمثَّلة على تمثيل بالنِّقاط

أوجِد وسيط مجموعة البيانات المُمثَّلة في التمثيل بالنِّقاط الموضَّح.

٠١:١٦

‏نسخة الفيديو النصية

أوجد وسيط مجموعة البيانات الممثّلة في التمثيل بالنقاط الموضَّح.

علشان نجيب الوسيط، لازم نجيب أولًا عدد البيانات اللي موجودة عندنا. ونشوف هل العدد ده عدد زوجي ولّا عدد فردي. لو قمنا بعدِّ البيانات الموجودة عندنا، هنلاقي إن عندنا أربعين. أربعين عدد زوجي. ويكون ترتيب الوسيط على النحو التالي: ن على اتنين. وَ ن على اتنين، زائد واحد. حيث ن هو عدد البيانات، اللي هو أربعين.

نعوّض بيهم. أربعين على اتنين. وأربعين على اتنين، زائد واحد. يعني ترتيب الوسيط هيبقى الترتيب العشرين والترتيب الواحد والعشرين. من على الرسم هنلاحظ إن الترتيب العشرين قيمته تمنية، والترتيب الواحد وعشرين قيمته تسعة. هناخد التمنية ولّا هناخد التسعة؟ لا هناخد تمنية ولا هناخد تسعة. إنما هنجيب الوسط الحسابي لتمنية وتسعة. يعني تمنية زائد تسعة، على اتنين. وده بيساوي تمنية ونصّ.

وبكده هيكون وسيط مجموعة البيانات الممثَّلة قدامنا بيساوي تمنية ونصّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.