تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: الأعداد من ١١ حتى ٢٠

نهال عصمت

يتناول الفيديو طريقة عد، وكتابة الأعداد من ١١ إلى ٢٠، وأمثلةً توضح ذلك.

٠٩:٥٢

‏نسخة الفيديو النصية

الأعداد من حداشر إلى عشرين.

هنتعلّم نعدّ ونكتب الأعداد من حداشر إلى عشرين. الأعداد بنستخدمها في معرفة عدد الأشياء. هنلاقي إن الأعداد من حداشر إلى عشرين بتتكوّن من مجموعة واحدة من عشرة، وبعد كده بنبدأ نزوّد عليها. بمعنى: عندنا مجموعة من عشر أسطوانات. بعد كده زوّدنا عليهم أسطوانة واحدة فقط. يبقى نقدر نقول: إن العدد هو حداشر، وبنكتبه بالطريقة دي: أحد عشر.

طب لو عندنا مجموعة من عشر أسطوانات، بعد كده زوّدنا عليهم واحد، اتنين؛ زودنا عليهم أسطوانتين. يبقى كده عندنا العدد اتناشر. وبنكتبه بالطريقة دي: اثنا عشر.

في حالة لو عندنا مجموعة من عشر أسطوانات، بعد كده زوّدنا عليهم واحد، اتنين، تلاتة. يعني زوّدنا تلات أسطوانات. يبقى في الحالة دي عندنا العدد تلتاشر. وبيتكتب بالطريقة دي: ثلاثة عشر.

أمّا لو عندنا مجموعة من عشر أسطوانات، وبدأنا نزوّد عليهم واحد، اتنين، تلاتة، أربعة؛ أربع أسطوانات. يبقى كده العدد هو أربعتاشر. ونقدر نكتبه بالطريقة دي: أربعة عشر.

بعد العدد أربعتاشر فيه العدد خمستاشر. بمعنى لو عندنا مجموعة من عشر أسطوانات، وبدأنا نزوّد عليهم واحد، اتنين، تلاتة، أربعة، خمسة؛ خمس أسطوانات. يبقى كده العدد هو خمستاشر. ونقدر نكتبه بالطريقة دي: خمسة عشر.

بعد كده لو عندنا مجموعة من عشر أسطوانات، وبدأنا نزوّد عليهم واحد، اتنين، تلاتة، أربعة، خمسة، ستة؛ ست أسطوانات. معنى كده إن بقى عندنا العدد ستاشر. ونقدر نكتبه بالطريقة دي: ستة عشر.

بعد كده لو عندنا مجموعة من عشر أسطوانات، وبدأنا نزوّد عليهم واحد، اتنين، تلاتة، أربعة، خمسة، ستة، سبعة؛ سبع أسطوانات. يبقى كده عندنا العدد سبعتاشر. ونقدر نكتبه بالطريقة دي: سبعة عشر.

هنبدأ نجيب صفحة جديدة، ونكمّل الأعداد بعد سبعتاشر. لو عندنا مجموعة من عشر أسطوانات، وبدأنا نزوّد عليهم واحد، اتنين، تلاتة، أربعة، خمسة، ستة، سبعة، تمنية. زوّدنا تمن أسطوانات. يبقى كده عندنا العدد تمنتاشر. ونقدر نكتبه بالطريقة دي: ثمانية عشر.

لكن لو عندنا عشر أسطوانات، وبدأنا نزوّد عليهم واحد، اتنين، تلاتة، أربعة، خمسة، ستة، سبعة، تمنية، تسعة؛ تسع أسطوانات. يبقى كده عندنا العدد تسعتاشر. ونقدر نكتبه بالطريقة دي: تسعة عشر.

آخر حاجة: لو عندنا مجموعتين، كل مجموعة متكوِّنة من عشر أسطوانات. عندنا المجموعة الأولى هي عشرة، والمجموعة التانية هي واحد، اتنين، تلاتة، أربعة، خمسة، ستة، سبعة، تمنية، تسعة، عشرة. هي كمان عشر أسطوانات. يبقى كده العدد هو عشرين. ونقدر نكتبه بالطريقة دي: عشرون.

يبقى كده عرفنا نعدّ ونكتب الأعداد من حداشر إلى عشرين. وهي حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر، تسعتاشر، عشرين.

هنبدأ نجيب صفحة جديدة. ونشوف أمثلة على الأعداد من حداشر إلى عشرين. مطلوب نكوّن مجموعة من عشرة، ونبدأ نكتب ونقرا العدد للأشكال التالية:

عندنا أول مجموعة من الدباديب. هنبدأ نكوّن منهم مجموعة من عشر دباديب. وهي واحد، اتنين، تلاتة، أربعة، خمسة، ستة، سبعة، تمنية، تسعة، عشرة. هنبدأ نحطّهم في مجموعة بالشكل ده. يبقى كده كوّنّا مجموعة من عشرة. بعد كده عايزين نكتب ونقرا عدد الدباديب. عندنا مجموعة من عشرة، بعد كده زوّدنا عليها واحد اتنين، يبقى العدد هو اتناشر. ونقدر نكتبه بالطريقة دي، وهي: اثنا عشر.

بعد كده عندنا مجموعة من البطّ. هنبدأ نكوّن برضو مجموعة من عشرة. بعد كده نكتب ونقرا عدد البطّ. هيبقى عندنا واحد، اتنين، تلاتة، أربعة، خمسة، ستة، سبعة، تمنية، تسعة، عشرة. يبقى كده كوّنّا مجموعة من العشرة. هنبدأ نحطّ دايرة. عندنا مجموعة من العشرة وزوّدنا عليهم واحد، اتنين، تلاتة، أربعة، خمسة، ستة، سبعة، تمنية. يبقى كده نقدر نقول: إن العدد هو تمنتاشر. وبنكتبه بالطريقة دي: ثمانية عشر.

آخر مجموعة عندنا هي مجموعة من السيارات. هنكوّن منهم مجموعة من عشرة. هيبقى واحد، اتنين، تلاتة، أربعة، خمسة، ستة، سبعة، تمنية، تسعة، عشرة. هنبدأ نحطّهم في مجموعة بالشكل ده. يبقى كده كوّنّا مجموعة من العشرة. وبدأنا نزوّد عليهم واحد، اتنين، تلاتة، أربعة، خمسة. معنى كده إن العدد هو خمستاشر. ونقدر نكتبه بالطريقة دي: خمسة عشر. يبقى كده عرفنا نكوّن مجموعات من العشرة. ونكتب العدد الكلي للدباديب والبطّ والعربيات.

بعد كده هنجيب صفحة جديدة. ونشوف مثال آخر. اكتب الأعداد التالية:

عندنا العدد الأول هو تلتاشر. بنكتبه بالطريقة دي: ثلاثة عشر. بعد كده عندنا العدد التاني هو سبعتاشر. بنكتبه بالطريقة دي: سبعة عشر. آخر عدد عندنا هو عشرين. وبنقدر نكتبه بالطريقة دي: عشرون.

يبقى كده اتعلّمنا الأعداد من حداشر إلى عشرين. وهي: حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر، تسعتاشر، عشرين. وعرفنا إزاي نكتب ونقرا الأعداد.