فيديو: إيجاد خطوط التماثل لمُعيَّن

أيُّ الخطوط الآتية يُمثِّل خط تماثُل للمعيَّن؟

٠٢:٤٣

‏نسخة الفيديو النصية

أيّ الخطوط الآتية يمثِّل خطّ تَماثُل للمعيَّن؟ ومدّيلنا في السؤال الرسمة دي.

في البداية، تعالوا نختبر خطّ خطّ من الخطوط دي. ونشوف أنهي خطّ فيهم هيكون خطّ تماثُل. لو بصّينا على الخط أ هنلاقيه بيقسم المعيّن لجزئين. بس هل يا ترى الجزء ده يُماثِل الجزء ده ولّا لأ؟ هنعتبر إن ده الخطّ أ. وده الجزء اللي على شمال الخط أ، النص الأولاني من المعيّن. دلوقتي هنجيب الجزء اليمين على الجزء الشمال؛ علشان نعرف هم متطابقين على بعض ولّا لأ. ولو متطابقين، يبقى أ خطّ تماثُل. ولو غير متطابقين، يبقى أ ليس خطّ تماثُل. لقينا إن الشكلين اللي بالأخضر والأصفر مش متطابقين. وبالتالي الخطّ أ مش هيكون خطّ تَماثُل.

دلوقتي هنختبر الخطّ ب. ونشوف هل الجزء اللي على يمين الخطّ ب هو هو نفس الجزء اللي على شماله ولّا لأ. هنفترض إن ده، الخطّ ب، بيقسم المعيّن لجزئين؛ جزء يمين، وجزء شمال. الجزء الشمال هنرسمه باللون الأصفر. وهنطبَّق الجزء اليمين على الجزء الشمال؛ عشان نشوف هل النصّين متطابقين ولّا لأ. هنرسم الجزء اليمين باللون الأخضر. لقينا إن الجزئين متطابقين تمامًا زيّ بعض. الخطّ على الخطّ. وادَّانا شكل المثلث ده. وبالتالي الخطّ ب هيمثّل محور تَماثُل.

دلوقتي هنشوف الخطّ ج؛ هل هو خطّ تماثُل ولّا لأ. نفس الكلام، هنلاقي إن الخطّ ج بيقسم المعيّن لمثلثين؛ المثلث اللي فوق، والمثلث اللي تحت. هنرسم المثلث اللي فوق باللون الأصفر. وهنطبَّق عليه المثلث اللي تحت. هنرسم المثلث اللي تحت باللون الأخضر. لقيناهم هيتطابقوا على بعض تمامًا. يبقى المثلث اللي فوق والمثلث اللي تحت أصبحوا متطابقين. يبقى الخطّ ج خطّ تماثُل.

يبقى: أيّ الخطوط الآتية يمثّل خطّ تماثُل للمعيّن؟ الإجابة هتكون: الخطّان ب وَ ج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.