فيديو: إيجاد قيمة التعبيرات العددية التي تتضمَّن الجذور التربيعية والتكعيبية

احسب ؆(−٢٧) + ؆(−٠٫١٢٥) + جذر (١٦/١ ٥).

٠٢:٥٧

‏نسخة الفيديو النصية

احسب الجذر التكعيبي لسالب سبعة وعشرين زائد الجذر التكعيبي لسالب مية خمسة وعشرين من ألف زائد الجذر التربيعي لخمسة وواحد على ستاشر.

يعني معطى عندنا المقدار ده، والمطلوب إننا نحسب قيمته. وعشان نقدر نحسب قيمة المقدار اللي عندنا ده، أول حاجة نعملها إننا هنحوّل العدد العشري اللي عندنا هنا إلى كسر. وهنحوّل برضو العدد الكسري ده إلى كسر. فهيبقى المقدار بيساوي … الجذر التكعيبي لسالب سبعة وعشرين هتفضل زيّ ما هي. زائد … وهنكتب العدد العشري سالب مية خمسة وعشرين من ألف في صورة كسر، فهيبقى بالشكل ده. الجذر التكعيبي لسالب مية خمسة وعشرين على ألف.

زائد … وهنبدأ نكتب العدد الكسري اللي هو خمسة وواحد على ستاشر في صورة كسر. فهيبقى بيساوي الجذر التربيعي لواحد وتمانين على ستاشر. وحوّلناه بالشكل ده عن طريق إننا جينا هنا عند المقام ستاشر، وضربناه في العدد الصحيح خمسة. فستاشر في خمسة هتساوي تمانين. بعد كده هنجمع تمانين على البسط. فتمنين زائد واحد هتساوي واحد وتمانين، وكتبناها هنا في البسط. وأمّا المقام فبيفضل ستاشر زيّ ما هو.

بعد كده هنبدأ نوجد الجذر التكعيبي للمقدار اللي عندنا هنا اللي هو السالب سبعة وعشرين. والجذر التكعيبي لسالب سبعة وعشرين بيساوي سالب تلاتة. فهيبقى عندنا سالب تلاتة زائد … وهنبدأ نحسب الجذر التكعيبي لسالب مية خمسة وعشرين على ألف. فهيبقى بيساوي سالب … وهنوجد الجذر التكعيبي للبسط اللي هو مية خمسة وعشرين، واللي هيساوي خمسة. فهيبقى البسط خمسة. وأمّا المقام فهنوجد الجذر التكعيبي لألف، واللي هيساوي عشرة.

فهيبقى عندنا سالب خمسة على عشرة زائد … وهنوجد قيمة الجذر التربيعي لواحد وتمانين على ستاشر. فهيبقى بيساوي … هنوجد الجذر التربيعي للبسط؛ يعني الجذر التربيعي لواحد وتمانين، واللي هيساوي تسعة. وأمّا في المقام فهنوجد الجذر التربيعي لستاشر، واللي بيساوي أربعة.

فهيبقى المقدار بيساوي سالب تلاتة زائد … وهنبدأ نبسّط الكسر اللي عندنا هنا، عن طريق إننا نقسم البسط والمقام على خمسة. فهيبقى بيساوي سالب واحد على اتنين زائد … وهنكتب الكسر تسعة على أربعة زيّ ما هو. فبكده نقدر نحسب قيمة المقدار ده. ولمّا نحسبه هيبقى الناتج بيساوي سالب خمسة على أربعة. وبالتالي هيبقى قيمة المقدار المعطى عندنا في السؤال، هو: سالب خمسة على أربعة. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.