تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل المعادلات الجذرية البسيطة

نادر عاطف

حُلَّ جذر (ﺱ + ٤) + ٢ = ٧.

٠١:٤٤

‏نسخة الفيديو النصية

حل: الجذر التربيعي لـ س زائد أربعة، زائد اتنين، يساوي سبعة.

يعني معطى عندنا معادلة جذرية بالشكل ده. والمطلوب إننا نحلها. يعني عايزين نوجد قيمة س. فأول حاجة هنعملها، إننا هنطرح اتنين من الطرفين. وبِطَرح اتنين من طرفَي المعادلة، هتبقى المعادلة هي: الجذر التربيعي لـ س زائد أربعة يساوي خمسة.

بعد كده علشان نتخلص من الجذر التربيعي للمقدار ده، يبقى هنربّع الطرفين. يعني هنرفع طرفَي المعادلة للأس اتنين. وعملنا كده علشان نتخلص من الجذر التربيعي. لأن خلينا نفتكر، لو عندنا الجذر التربيعي لـ أ. وعايزين نوجد تربيعه. فيبقى تربيع الجذر التربيعي لـ أ، بيساوي أ. يعني اللي هو تحت الجذر.

فبنفس الطريقة هنا، هيبقى تربيع الجذر التربيعي لـ س زائد أربعة، بيساوي س زائد أربعة. واللي هو تحت الجذر. وأمّا الطرف الأيسر للمعادلة، فهنحسب خمسة تربيع. واللي بتساوي خمسة وعشرين. فبالتالي هتبقى المعادلة هي: س زائد أربعة يساوي خمسة وعشرين.

بعد كده عشان نوجد قيمة س، يبقى هنطرح أربعة من الطرفين. وبِطَرح أربعة من طرفَي المعادلة، فيبقى عندنا الطرف الأيمن س زائد أربعة ناقص أربعة. وزائد أربعة ناقص أربعة بتساوي صفر. فهيتبقّى عندنا س. وأمّا في الطرف الأيسر، فهنحسب خمسة وعشرين ناقص أربعة. واللي هتساوي واحد وعشرين. وبالتالي هيبقى س يساوي واحد وعشرين. وهو ده حل المعادلة.