تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: مقارنة الأعداد العشرية

غادة عليوة

أيهما أكبر: ٢٤٫٣٥ أم ٢٠٫٠٤؟

٠١:٢٥

‏نسخة الفيديو النصية

أيهما أكبر: أربعة وعشرين وخمسة وتلاتين من مية أم عشرين وأربعة من مية؟

هنستعين بجدول القيم المكانية، ونحط العددين اللي عندنا؛ كل رقم في الخانة المكانية الصحيحة، عشان نقدر نقارن بالشكل ده. ناخد بالنا إن أول خانة مكانية على يمين العلامة العشرية هي خانة الأجزاء من عشرة، واللي تليها من جهة اليمين هي الأجزاء من مائة. أما من جهة اليسار فهنلاقي إن أول خانة قبل العلامة العشرية هي خانة الآحاد، وقبلها خانة العشرات. لمّا بنيجي نقارن دايمًا بين عددين بنبدأ المقارنة من الخانة المكانية الأكبر، اللي هي في الحالة اللي عندنا دي خانة العشرات. هنبتدي نقارن الرقم اللي موجود في العددين في الخانة المكانية دي، هنلاقي إن العددين فيهم اتنين في الخانة المكانية اللي هي الخاصة بالعشرات؛ يبقوا هما دلوقتي لغاية هنا متساويين. نشوف الخانة المكانية الأقل اللي هي الآحاد، هنلاقى العدد الأول فيه الرقم أربعة في خانة الآحاد، أما العدد التاني ففيه صفر في خانة الآحاد، وطبعًا أربعة أكبر من صفر؛ يبقى ده معناه إن العدد الأول هو اللي أكبر من العدد التاني. يبقى إجابة السؤال: «أيهما أكبر؟» هو أربعة وعشرين وخمسة وتلاتين من مية.