فيديو: تمثيل الكسور العشرية

سوزان فائق

يوضح الفيديو مفهوم الكسور العشرية، وكيفية تمثيل الكسور العشرية في صورة أعداد عشرية.

٠٤:٣٨

‏نسخة الفيديو النصية

في الفيديو ده هنتكلم على تمثيل الكسور العشرية. إزاي هنحط الكسور العشرية في صورة أعداد عشرية. لو عندنا خمسة على عشرة، فإحنا بنقول إن ده كسر عشري؛ لأن المقام عشرة أو مية أو ألف. ده كله بيقبل القسمة على عشرة. فبنقول عليه كسر عشري. عايزين نحطه بصورة عدد عشري. فإحنا هنعمل إيه؟ هنقول إن العشرة دي بتقابل رقم واحد على يمين العلامة العشرية. يعني هنحط هنا العلامة العشرية، وهنا صفر. على يمين العلامة العشرية فيه رقم خمسة واحد بس آحاد يبقى خمسة من عشرة.

طيب لو عندنا المقام فيه مية، يبقى رقمين على يمين العلامة العشرية. يعني لو عندي هنا خمسة وخمسين على مية، هتبقى خمسة وخمسين من مية. لو البسط تلاتة والمقام ألف، يبقى معنى كده إن إحنا هنملى تلات أرقام عشرية على يمين العلامة العشرية. يبقى هنقول العلامة العشرية، وعندي هنا التلاتة دي رقم واحد بس آحاد، وهنكمل بصفرين. يبقى تلاتة من ألف، واللي فوقيها خمسة وخمسين من مية، واللي فوقيها خمسة من عشرة.

طريقة تانية لإن إحنا نعرف نكتب الكسر العشري في صورة عشرية. إن لو أنا عندي تسعة على عشرة. العشرة قلنا خانة واحدة بعد العلامة العشرية. هنحط فيها الرقم. طيب لو تمنية وتمانين على مية، هنحط العلامة العشرية، وبعدين نحط رقمين خانتين، يبقى دي تمنية وتمنية. يبقى هنملا الأول نحط المقام، كل مقام، كل صفر هيمثّل خانة. يعني الصفر ده مَثِّل خانة، والصفر ده مَثِّل خانة. وبعدين نملا بالعدد اللي في البسط. زي مثلًا ستاشر على ألف، هنعمل إيه؟ هنحط تلات خانات مقابلين للتلات أصفار بتوع الألف على يمين العلامة العشرية. وبعدين نحط الستاشر. آدي ستة وواحد، وهنكمل بصفر. يبقى ستاشر من ألف.

نقلب الصفحة وناخد مثال كمان.

مثِّل الكسر بالشكل ده بصورة عدد عشري.

إحنا عارفين إن الألف هتمثّل تلات خانات بعد العلامة العشرية. والسبعمية خمسة وتسعين هنسكّنها في الخانات دي. هنلاقي إن همّ تلات أرقام مقابلين للتلات خانات. يبقى سبعمية خمسة وتسعين.

عايزين نعرف هو الاتنين متر كام من الكيلومتر. الكيلومتر عبارة عن ألف متر. واتنين متر من الألف هنكتبها بالصورة دي إزاي؟ هنحط العلامة العشرية، وعندنا ألف يعني فيه تلات خانات، يعني اتنين من ألف.

عندنا كسر عشري خمسة وتسعين على ألف. فيه منى قالت إن الخمسة وتسعين على ألف بتمثِّل العدد بالشكل ده. وفيه أحمد قال إن العدد بيتمثِّل بالشكل ده. مين الصح؟ نقرا العدد الأولاني اللي كتبته منى. هنلاقي إن هو خمسة وتسعين من مية، مش خمسة وتسعين من ألف؛ لأن هنا ما فيش غير خانتين بس اللي استخدمناهم بعد العلامة العشرية دي اللي هي بتمثّل المية. يبقى خمسة وتسعين من مية. يعني دي تساوي خمسة وتسعين على مية.

العدد التاني اللي قاله أحمد خمسة وتسعين وتلات أصفار. يعني هنا لو حطينا تلات أصفار، والخمسة وتسعين في البسط، هتبقى هي نفسها العدد اللي إحنا بندوّر عليه.

كده عرفنا في الفيديو ده إزاي نمثّل الكسور العشرية في صورة أعداد عشرية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.