فيديو: اختبار طريقة تكوين العدد ١٠

ما العدد المجهول؟ ٧ + ٩ = ١٠ + _.

٠١:١٧

‏نسخة الفيديو النصية

ما العدد المجهول؟ سبعة زائد تسعة تساوي عشرة زائد، نقط.

عاوزين نعرف إيه العدد المجهول اللي المفروض يتكتب هنا. فأول حاجة هنعملها هي إننا هنشوف سبعة زائد تسعة بتساوي إيه. هنحطّ التسعة في مخّنا والسبعة على إيدينا. ونعدّ بعد التسعة: عشرة، حداشر، اتناشر، تلتاشر، أربعتاشر، خمستاشر، ستاشر. ده معناه إن سبعة زائد تسعة بتساوي ستاشر.

طيب هي الستاشر دي بتساوي عشرة زائد إيه؟ الستاشر عبارة عن ستة في الآحاد وواحد في العشرات. الواحد في العشرات ده اللي هو قيمته عشرة. يبقى ستاشر عبارة عن عشرة زائد إيه؟ زائد ستة. فده معناه إننا نكتب هنا ستة. وتبقى عشرة زائد ستة بتساوي ستاشر، اللي هي أصلًا سبعة زائد تسعة.

يبقى ده معناه إن العدد المجهول هو الستة. وهي دي الإجابة الصحّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.