فيديو السؤال: إيجاد طول متوازي مستطيلات بمعلومية حجمه وعرضه وارتفاعه

نسخة الفيديو النصية

أوجد طول متوازي مستطيلات حجمه عشر آلاف وتمنمية تمنية وستين سنتيمتر مكعب. وعرضه حداشر سنتيمتر. وارتفاعه تسعتاشر سنتيمتر.

وفي الأول، خلّينا نفتكر إن حجم متوازي المستطيلات بيساوي حاصل ضرب طوله في عرضه في ارتفاعه. ومعطى عندنا في السؤال حجم متوازي المستطيلات. ومعطى عندنا عرضه وارتفاعه. والمطلوب إننا نوجد طوله. فبالتالي علشان نقدر نوجد طول متوازي المستطيلات، يبقى في الأول هنقسم الطرفين على، العرض في الارتفاع. ففي الحالة دي، نقدر في الطرف الأيسر نختصر العرض مع العرض، والارتفاع مع الارتفاع. فهيبقى عندنا الطول بيساوي حجم متوازي المستطيلات مقسوم على، العرض في الارتفاع.

بعد كده، هنعوّض عن حجم متوازي المستطيلات بعشر آلاف تمنمية تمنية وستين. وهنعوّض عن العرض بحداشر. وهنعوّض عن الارتفاع بتسعتاشر. فيبقى عندنا الطول يساوي عشر آلاف تمنمية تمنية وستين مقسوم على، حداشر في تسعتاشر. فلمّا نحسب قيمة المقدار ده، هيبقى بيساوي اتنين وخمسين. وبما إننا بنوجد طول، فهتبقى الوحدة هي سنتيمتر.

وبالتالي هيبقى طول متوازي المستطيلات هو: اتنين وخمسين سنتيمتر. وهتبقى هي دي إجابة السؤال.