فيديو السؤال: استخدام الجمع لحل مسائل الطرح الكلامية الرياضيات

لدى سامح ١٧ سيارة لُعبة. أضاع منها ٦ سيارات. يُمكِنه إيجاد عدد السيارات المتبقية لديه بإكمال أيِّ عبارة عددية. ١٧ − ٦ = _، ٦ + _ = ١٧. ما عدد السيارات المتبقية؟

٠٣:٠٠

‏نسخة الفيديو النصية

لدى سامح سبعتاشر سيارة لعبة. أضاع منها ست سيارات. يمكنه إيجاد عدد السيارات المتبقّية لديه بإكمال أيّ عبارة عددية. سبعتاشر ناقص ستة تساوي، نقط. ستة زائد، نقط، تساوي سبعتاشر؟ ما عدد السيارات المتبقّية؟

السؤال بيقول لنا: إن فيه ولد اسمه سامح، كان معاه سبعتاشر عربية، ضيَّع منهم ستة. يبقى اتبقَّى معاه قدّ إيه؟ واضح كده إن دي مسألة طرح. سبعتاشر عربية هنشيل منهم الستة اللي سامح ضيّعهم. والباقي هيكون هو ناتج الطرح.

فإحنا ممكن نستخدم الطرح؛ علشان نحلّ السؤال بتاعنا، ونعرف اتبقَّى معاه كام عربية. وبرضو ممكن نستخدم الجمع؛ علشان نحلّ بيه مسائل الطرح. إزاي بقى هنستخدم الجمع؟ هنقول: إن سامح أصلًا ضيّع ست سيارات، اللي همّ دول. لو خدنا السيارات اللي سامح ضيَّعها، وجمعنا عليها عدد معيّن، اللي هي عدد العربيات اللي هتتبقَّى، هينتج لنا السبعتاشر عربية كلهم. فعن طريق الطرح، أو عن طريق الجمع ممكن نعرف عدد السيارات المتبقّية.

فنبدأ الأول بالحلّ بطريقة الطرح. إحنا قدامنا في الصورة فيه سبعتاشر سيارة. هنشيل منهم ستة. واحد، اتنين، تلاتة، أربعة، خمسة، ستة. كده إحنا شِلنا ستة من سبعتاشر. اتبقَّى لنا كام عربية؟ واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر. يبقى الناتج هو حداشر. كده إحنا عرفنا عدد السيارات المتبقّية عن طريق الطرح.

نشوف بقى هنعرف عدد السيارات المتبقّية عن طريق الجمع إزاي. عندنا السبعتاشر عربية كاملين قدامنا أهم. هنحدّد منهم ستة، ولْيكُن الستة دول، اللي إحنا شطبنا عليهم. هنشوف بقى هنزوّد على الستة كام؛ علشان نعدّ السبعتاشر عربية كلهم. فاللي نزوّدها هنعلّم عليها لحدّ ما نخلّص كلّ العربيات اللي عندنا. ونشوف زوّدنا كام على الستة. واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر. يبقى إحنا زوّدنا حداشر على الستة؛ علشان يبقى الناتج سبعتاشر عربية قدامنا.

فالطريقتين، سواء كانت الطرح أو الجمع طلعوا لنا نفس الناتج، السيارات المتبقّية. اللي هو حداشر سيارة. وتبقى هي دي الإجابة الصحّ؛ حداشر.

Nagwa uses cookies to ensure you get the best experience on our website. Learn more about our Privacy Policy.