فيديو: كتابة متباينة لتمثيل قيد أو شرط في مسألة واقعية

استطاعت سمر أن تُنظِّف أكثر من ٧/٣ من منزلها بعد زيارة صديقاتها لها وانصرافهن. اكتب متباينة لتمثيل الكسر الذي يُمثِّل الجزء الآخر من المنزل الذي يجب على سمر تنظيفه.

٠١:٤٩

‏نسخة الفيديو النصية

استطاعت سمر أن تنظف أكتر من تلاتة على سبعة من منزلها، بعد زيارة صديقاتها لها وانصرافهن. اكتب متباينة لتمثيل الكسر الذي يمثّل الجزء الآخر من المنزل الذي يجب على سمر تنظيفه.

دلوقت معطى عندنا في السؤال إن سمر قدرت تنضّف أكتر من تلاتة على سبعة من المنزل. والمطلوب إن إحنا نكتب متباينة تمثّل الكسر اللي بيعبّر عن الجزء الباقي، اللي يجب على سمر تنظيفه. فلو مثّلنا الجزء اللي سمر قامت بتنظيفه بالجزء المظلل في الشكل اللي عندنا. عايزين نشوف المتباينة اللي هتعبّر عن الجزء الباقي. ناخد بالنا من «أكثر من» يعني سمر نضّفت أكبر شوية من الكسر ده. يعني أكتر من دي نقدر نترجمها على إنها أكبر من.

طب لو هي كانت قامت بتنضيف تلاتة على سبعة بالظبط من المنزل. يا ترى كان هيبقى باقي عليها تنضف قد إيه؟ هنقول واحد ناقص تلاتة على سبعة، اللي هو هيساوي … نقدر نكتب الواحد على شكل الكسر ده سبعة على سبعة. وبعدين نطرح منه الكسر اللي هي بيمثّل الجزء اللي نضفته، اللي هو تلاتة على سبعة. ده هيطلع بيساوي أربعة على سبعة. ده لو كانت نضّفت تلاتة على سبعة من المنزل بالظبط.

بس هي نضّفت أكتر من تلاتة على سبعة. فبالتالي اللي باقي هيبقى أقل من أربعة على سبعة. يعني لو افترضنا إن س بيمثّل الجزء اللي يجب على سمر تنضيفه، أو اللي باقي لها اللي لازم لسه تنضفه. هنقول إن س هتبقى أقل قليلًا من أربعة على سبعة؛ يعني أصغر من أربعة على سبعة. ويبقى هي دي المتباينة اللي بتمثّل الكسر اللي بيمثّل الجزء الآخر من المنزل، اللي يجب على سمر تنظيفه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.