فيديو: إيجاد قيمة المقادير الجبرية التي تتضمن القيمة المطلقة

أوجد قيمة الآتي: |−٣| + ٣ − |−٧|.

٠١:٠٧

‏نسخة الفيديو النصية

أوجد قيمة الآتي: القيمة المطلقة لسالب تلاتة زائد تلاتة ناقص القيمة المطلقة لسالب سبعة.

يعني معطى عندنا المقدار ده، وعايزين نوجد قيمته. وخلينا في الأول نفتكر إن القيمة المطلقة لعددٍ ما هي المسافة بينه وبين الصفر على خطّ الأعداد، بغضّ النظر عن إشارته.

فمعنى كده إن القيمة المطلقة لسالب تلاتة هتبقى بتساوي تلاتة، فيبقى المقدار هو تلاتة زائد تلاتة ناقص القيمة المطلقة لسالب سبعة، واللي هتبقى بتساوي سبعة؛ وبالتالي هيبقى المقدار عندنا هو تلاتة زائد تلاتة ناقص سبعة.

يعني عندنا عملية جمع وعملية طرح، وهم الاتنين ليهم نفس الترتيب في ترتيب العمليات، فبالتالي هنبدأ نحسب من اليمين للشمال، فهنبدأ نجمع تلاتة زائد تلاتة، واللي هتساوي ستة؛ فيبقى المقدار ستة ناقص سبعة.

بعد كده هنحسب ستة ناقص سبعة، يعني هنوجد الفرق بينهم، ونحطّ إشارة العدد الكبير. فلمّا نحسبها هتبقى بتساوي سالب واحد. وبالتالي هيبقى قيمة المقدار المعطى في السؤال هو سالب واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.