فيديو: تحويل الكسور إلى أعداد عشرية

اكتب ٢٥/٣٤ على صورة عدد عشري.

٠٢:٠٢

‏نسخة الفيديو النصية

اكتب أربعة وتلاتين على خمسة وعشرين على صورة عددٍ عشري.

عشان نحوّل الكسر أربعة وتلاتين على خمسة وعشرين إلى عدد عشري، أول حاجة هنكتبه على صورة عدد زائد كسر. فهنقول إن أربعة وتلاتين على خمسة وعشرين بيساوي خمسة وعشرين على خمسة وعشرين؛ زائد أربعة وتلاتين ناقص خمسة وعشرين، على خمسة وعشرين.

ده هيساوي … باستخدام التبسيط خمسة وعشرين على خمسة وعشرين هيساوي واحد. وبالتالي يبقى أربعة وتلاتين على خمسة وعشرين بيساوي واحد زائد … أربعة وتلاتين ناقص خمسة وعشرين هيساوي تسعة. يبقى واحد زائد، تسعة على خمسة وعشرين.

بعد كده نحوّل الكسر تسعة على خمسة وعشرين إلى صورة عدد عشري. وده بإننا نخلّي المقام بيساوي عشرة، أو مية، أو ألف، وهكذا … فهنضرب البسط والمقام في أربعة. فده هيساوي واحد زائد … تسعة في أربعة بيساوي ستة وتلاتين. على … خمسة وعشرين في أربعة هيساوي مية. وستة وتلاتين على مية بيساوي ستة وتلاتين من مية. يبقى ده هيساوي واحد زائد ستة وتلاتين من مية.

يبقى الكسر أربعة وتلاتين على خمسة وعشرين بيساوي … واحد زائد ستة وتلاتين من مية، يعني واحد وستة وتلاتين من مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.