تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد تكامل دالة تتضمن دالة أسية باستخدام التكامل بالتجزيء مرتين

سوزان فائق

أوجد ∫٢ﺱ^٢ ﻫ^(ﺱ +٢‎ ‎) دﺱ.

٠٢:٢٧

‏نسخة الفيديو النصية

اوجد تكامل اتنين س تربيع في ﻫ أُس س زائد اتنين د س.

دول دالتين مضروبين في بعض في المتغير س. لمّا هنكاملهم هنستخدم التكامل بالتجزيء. في التكامل بالتجزيء بنقسّمهم لدالتين؛ واحدة تتكامل، وواحدة تتفاضل. اللي تتفاضل اللي هي لمّا هنقعد نفاضل فيها هتبقى تساوي صفر في الآخر. لكن اللي هتتكامل اللي هي الدالة اللي ما بتنتهيش واللي مش بتساوي صفر. الاتنين س تربيع لمّا هنفاضلها هتوصل لغاية صفر .هنبدأ بعند اتنين س تربيع، هنفاضلها هتبقى أربعة س، نفاضلها كمان مرة هتبقى بأربعة، كمان مرة هتبقى بصفر.

التكامل هيبقى تكامل ﻫ أُس س زائد اتنين. لمّا هنكاملها، هتبقى ﻫ أُس س زائد اتنين. هنكاملها كمان مرة، هتبقى ﻫ أُس س زائد اتنين. وهنكاملها كمان مرة هتبقى أُس س زائد اتنين.

هناخد اتنين س تربيع هنضربها في الـ ﻫ أُس س زائد اتنين، ونخليهم بإشارة موجبة. أربعة س هتضّرب في ﻫ أس س زائد اتنين، وتبقى الإشارة سالبة. الأربعة في ﻫ أس س زائد اتنين إشارة موجبة. يبقى التكامل هيساوي اتنين س تربيع في ﻫ أُس س زائد اتنين، ناقص أربعة س في ﻫ أُس س زائد اتنين، زائد أربعة في ﻫ أُس س زائد اتنين. وهنا التكامل ده غير محدود. يبقى هنزوّد عدد ثابت. هناخد أربعة مشترك، وَ ﻫ أُس س زائد اتنين مشترك. هيساوي … هناخد الأربعة، يبقى نص في س تربيع ناقص س زائد واحد، مضروبين في الـ ﻫ أُس س زائد الاتنين، زائد العدد الثابت. ويبقى هي دي قيمة التكامل المطلوبة.