فيديو: استخدام ترتيب العمليات لإيجاد قيمة تعبيرات عددية تتضمن أعدادًا عشرية

احسب ٣٦ + ٦٫٢ × ١٠٠٠ باستخدام ترتيب العمليات.

٠١:٢٩

‏نسخة الفيديو النصية

احسب ستة وتلاتين زائد ستة واتنين من عشرة في ألف، باستخدام ترتيب العمليات.

وخلّينا نفتكر إننا في ترتيب العمليات بنعمل عمليات الضرب والقسمة أولًا، بعد كده بنعمل عمليات الجمع والطرح. فهنلاحظ إن في المقدار ده عندنا عمليتين؛ عملية جمع، وعملية ضرب. وزي ما عرفنا من ترتيب العمليات، يبقى الأول هنعمل عملية الضرب، بعد كده هنعمل عملية الجمع. فهيبقى المقدار عندنا بيساوي ستة وتلاتين زائد … وهنضرب ستة واتنين من عشرة في ألف، فإحنا كده بنضرب عدد عشري في ألف. وخلّينا نفتكر إننا لمّا بنضرب عدد عشري في ألف، بنحرّك العلامة العشرية تلات أماكن جهة اليمين. فلمّا نحرّك العلامة العشرية، أول مكان هيبقى اتنين وستين؛ بعد كده هنزوّد صفرين، فهيبقى الناتج ستة آلاف وميتين.

بعد كده هنجمع ستة وتلاتين زائد ستة آلاف وميتين، فلمّا نجمعهم هيبقى بيساوي ستة آلاف ميتين ستة وتلاتين؛ وبالتالي هيبقى قيمة المقدار ستة وتلاتين زائد ستة واتنين من عشرة في ألف بتساوي ستة آلاف ميتين ستة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.