تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: اختصار خارج قسمة الأعداد المركَّبة في الصورة الجبرية

سوزان فائق

بسِّط ٢/(٣ + ﺕ).

٠١:١٨

‏نسخة الفيديو النصية

بسِّط اتنين على، تلاتة زائد ت.

التلاتة زائد ت دي عدد مركب. وعلشان نبسّط الاتنين على، التلاتة زائد ت، لازم نخلّي المقام عبارة عن عدد حقيقي. وعلشان يبقى عدد حقيقي، هنضرب في مرافق المقام، اللي هو تلاتة ناقص ت. يبقى هنضرب الاتنين على، تلاتة زائد ت، بسط ومقام، في التلاتة ناقص الـ ت. يبقى هيساوي اتنين مضروبة في، التلاتة ناقص الـ ت.

والعدد لمّا بيتضرب في المرافق بتاعه، بيبقى مربع العدد الحقيقي زائد مربع العدد التخيلي. تلاتة تربيع زائد … العدد التخيلي هنا الواحد مضروب في الـ ت، يبقى واحد تربيع. هيساوي اتنين مضروبة في، التلاتة ناقص الـ ت، على … تلاتة تربيع زائد الواحد يعني هتساوي عشرة. هنختصر الاتنين مع العشرة، يبقى خمسة. يساوي تلاتة ناقص الـ ت، على الخمسة. يبقى هو ده تبسيط اتنين على، تلاتة زائد الـ ت.