فيديو: مقارنة الأعداد الكسرية والأعداد العشرية

أكمل مستخدِمًا< أو = أو >: ٤/١ ٣ _ ٣٫٢٩.

٠٢:٠٨

‏نسخة الفيديو النصية

أكمل مستخدمًا علامة أصغر من، أو علامة يساوي، أو علامة أكبر من: تلاتة وواحد على أربعة … تلاتة وتسعة وعشرين من مية.

علشان نقدر نقارن بين العددين هنكتب العددين على نفس الصورة، فهنوصّل العدد الأول إلى الصورة العشرية علشان نقدر نقارنه بالعدد التاني. فالعدد الأول تلاتة وواحد على أربعة بيساوي تلاتة زائد واحد على أربعة. فأول حاجة هنحول الكسر واحد على أربعة إلى الصورة العشرية، وأول خطوة في ده إننا نخلي مقامه إما بيساوي عشرة أو مية أو ألف وهكذا. فهنلاقي إننا لو ضربنا البسط والمقام في الكسر في خمسة وعشرين، يعني واحد في خمسة وعشرين على أربعة في خمسة وعشرين، فده هيساوي خمسة وعشرين على مية، يبقى كده مقام الكسر بقى مية؛ وبالتالي من السهل نحوّله لعدد عشري، فالكسر ده هيساوي خمسة وعشرين من مية. نكمل، ده هيساوي تلاتة زائد خمسة وعشرين من مية، يعني هيساوي تلاتة وخمسة وعشرين من مية.

دلوقتي نقدر نقارن بين العددين تلاتة وخمسة وعشرين من مية، والعدد التاني تلاتة وتسعة وعشرين مية. هنبدأ نقارن القيم المكانية من الأكبر للأصغر، فهنقارن الآحاد فهنلاقي العدد الأول بيساوي تلاتة وفي العدد التاني بتساوي تلاتة، يعني الآحاد متساوية. فهنتنقل للأجزاء من عشرة، فهنلاقي في العدد الأول إنها بتساوي اتنين، وفي العدد التاني برضو بتساوي اتنين. فهنتنقل للقيمة المكانية الأقل، فهنلاقي إنها في العدد الأول بتساوي خمسة، وفي العدد التاني بتساوي تسعة؛ وبما إن خمسة أصغر من تسعة، يبقى العدد الأول تلاتة وخمسة وعشرين من مية أصغر من تلاتة وتسعة وعشرين من مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.