نسخة الفيديو النصية
أيّ من التالي صور تحليلية لـ س أُس تلاتة زائد اتنين س تربيع ناقص ستاشر س ناقص اتنين وتلاتين.
مطلوب تحديد الإجابة الصحيحة من بين الاختيارات اللي قدامنا، هنكتب المقدار الجبري مرة أخرى. بعد ما كتبنا المقدار الجبري هنبدأ نحلله، باستخدام العوامل المشتركة؛ فبنلاقي إن الحد الأول والحد التاني فيه عامل مشترك أكبر ما بينهم، وهو عبارة عن س تربيع. بعد كده بنلاقي إن الحد التالت والحد الرابع فيه عامل مشترك أكبر ما بينهم، وهو السالب ستاشر.
بنكمل وبنكتب العامل المشترك الأكبر بين الحدين الأول والتاني وهو س تربيع، بعد كده هنفتح قوس؛ يبقى س أُس تلاتة على س تربيع العامل المشترك، يبقى الناتج هيكون عبارة عن س زائد … اتنين س تربيع على س تربيع يبقى الناتج اتنين.
بعد كده بنلاقي إن العامل المشترك الأكبر بين الحد التالت والرابع عبارة عن سالب ستاشر؛ يبقى سالب ستاشر س على سالب ستاشر، بنلاقي إن الناتج س، وناقص اتنين وتلاتين على سالب ستاشر، يبقى الناتج عبارة عن زائد اتنين.
بعد كده بنلاقي إن فيه قوس مشترك وهو عبارة عن س زائد اتنين، زي ما إحنا شايفين كده. يبقى العامل المشترك دلوقتي هيكون عبارة عن القوس س زائد اتنين.
بعد ما حدّدنا العامل المشترك، وهو عبارة عن س زائد اتنين، يبقى س تربيع في س زائد اتنين على س زائد اتنين، بنلاقي إن الناتج عبارة عن س تربيع، بنكمل … ناقص ستة عشر في س زائد اتنين، لمّا نقسمها على س زائد اتنين؛ يبقى الناتج عبارة عن ناقص ستاشر.
بنكمل بعد كده وبنحاول نكتب القوس س ناقص ستاشر على صورة فرق بين مربعين، يبقى الناتج هيساوي س زائد اتنين في س تربيع، والستاشر عبارة عن أربعة تربيع، يبقى ناقص أربعة تربيع.
دلوقتي نقدر نحلل الفرق بين مربعين ده، يبقى بنكتب كده س زائد اتنين، في س تربيع ناقص أربعة تربيع. هتتحلل إلى س ناقص أربعة، في س زائد أربعة. وبكده يبقى تحليل المقدار الجبري اللي إحنا شايفينه ده عبارة عن س زائد اتنين، في س ناقص أربعة، في س زائد أربعة. وبكده يبقى الإجابة الصحيحة هتكون عبارة عن الاختيار ج.
