نسخة الفيديو النصية
احسب محيط الشكل الآتي.
بالنسبة لمحيط الشكل اللي عندنا فهو يساوي مجموع أطوال أضلاعه. يعني محيط الشكل يساوي طول القطعة المستقيمة أ ب. زائد طول القطعة المستقيمة ب ج. زائد طول القطعة المستقيمة ج د. زائد طول القطعة المستقيمة د ﻫ. زائد طول القطعة المستقيمة ﻫ و. زائد طول القطعة المستقيمة و أ.
ومن الشكل اللي عندنا طول القطعة المستقيمة أ ب يساوي خمسة سنتيمتر. وطول القطعة المستقيمة ب ج هو سبعة سنتيمتر. وطول القطعة المستقيمة ج د هو تلاتة سنتيمتر. وطول القطعة المستقيمة د ﻫ هو تلاتة سنتيمتر. أمّا بالنسبة لطول القطعة المستقيمة ﻫ و فمحتاجين نوجده. وكمان بالنسبة لطول القطعة المستقيمة و أ فمحتاجين نوجده.
أول حاجة هنوجد طول القطعة المستقيمة ﻫ و. من خلال الشكل اللي عندنا هنلاقي إن طول القطعة المستقيمة ﻫ و يساوي طول القطعة
المستقيمة أ ب ناقص طول القطعة المستقيمة ج د.
وعندنا طول القطعة المستقيمة أ ب يساوي خمسة سنتيمتر، وطول القطعة المستقيمة ج د يساوي
تلاتة سنتيمتر. معنى كده إن طول القطعة المستقيمة ﻫ و يساوي خمسة سنتيمتر ناقص تلاتة سنتيمتر؛ يعني
يساوي اتنين سنتيمتر. وكده يبقى إحنا أوجدنا طول القطعة المستقيمة ﻫ و.
بعد كده هنوجد طول القطعة المستقيمة و أ. من خلال الشكل اللي عندنا هنلاقي إن طول القطعة المستقيمة و أ يساوي طول القطعة
المستقيمة ب ج ناقص طول القطعة المستقيمة د ﻫ.
وإحنا عندنا إن طول القطعة المستقيمة ب ج هو سبعة سنتيمتر، أمّا طول القطعة المستقيمة د
ﻫ فهو تلاتة سنتيمتر. بالتالي طول القطعة المستقيمة و أ يساوي سبعة سنتيمتر ناقص تلاتة سنتيمتر؛ يعني يساوي
أربعة سنتيمتر. بكده يبقى إحنا أوجدنا طول القطعة المستقيمة و أ، وهو: أربعة سنتيمتر.
بكده بعد ما أوجدنا طول القطعة المستقيمة ﻫ و، وطول القطعة المستقيمة و أ؛ بقى عندنا
أطوال أضلاع الشكل كله، وبالتالي نقدر نوجد محيطه. فبالنسبة لمحيط الشكل فهو يساوي خمسة سنتيمتر، زائد سبعة سنتيمتر، زائد تلاتة سنتيمتر،
زائد تلاتة سنتيمتر، زائد اتنين سنتيمتر، زائد أربعة سنتيمتر.
ولمّا هنجمع خمسة سنتيمتر، زائد سبعة سنتيمتر، زائد تلاتة سنتيمتر، زائد تلاتة سنتيمتر،
زائد اتنين سنتيمتر، زائد أربعة سنتيمتر. هنلاقي محيط الشكل يساوي أربعة وعشرين سنتيمتر.
بكده يبقى إحنا أوجدنا المطلوب، وهو محيط الشكل اللي عندنا، وهو يساوي أربعة وعشرين
سنتيمتر.
