فيديو: تحديد مقدار القسمة الذي له خارج قسمة معيَّن

أيٌّ من مقادير القسمة التالية ناتج قسمته ٣/٢؟ [أ] ٩/٢ ÷ ٧/٦ [ب] ٤/١ ÷ ٧/١ [ج] ٣/٢ ÷ ٧/٤ [د] ٤/٣ ÷ ٦/١ [ﻫ] ٩/٤ ÷ ٣/٢

٠٣:١٨

‏نسخة الفيديو النصية

أيّ من مقادير القسمة التالية ناتج قسمته اثنان على ثلاثة؟ أ: اثنان على تسعة على، ستة على سبعة. ب: واحد على أربعة على، واحد على سبعة. ج: اثنان على ثلاثة على، أربعة على سبعة. د: ثلاثة على أربعة على، واحد على ستة. ﻫ: أربعة على تسعة على، اثنان على ثلاثة.

في حالة قسمة الكسور، بنحوّل عملية القسمة لعملية ضرب، وبنقلب الكسر اللي بعد علامة القسمة. فبالتالي المقدار الأول هيساوي اتنين على تسعة، في سبعة على ستة. وباستخدام التبسيط هنقسم بسط الكسر الأول ومقام الكسر التاني على اتنين. فده هيساوي واحد في سبعة، على تسعة في تلاتة. اللي بيساوي … واحد في سبعة هيساوي سبعة، على … تسعة في تلاتة هيساوي سبعة وعشرين. وسبعة على سبعة وعشرين لا يساوي اتنين على تلاتة. وبالتالي ممكن نستبعد الإجابة الأولى.

بالنسبة للمقدار التاني هيساوي واحد على أربعة، في سبعة على واحد. وده هيساوي واحد في سبعة، على أربعة في واحد. اللي هيساوي سبعة على أربعة. وده لا يساوي اتنين على تلاتة. وبالتالي نقدر نستبعد الإجابة التانية.

بالنسبة للمقدار التالت هيساوي اتنين على تلاتة، في سبعة على أربعة. فباستخدام التبسيط هنقسم بسط الكسر الأول ومقام الكسر التاني على اتنين. فده هيساوي واحد في سبعة، على تلاتة في اتنين. اللي هيساوي سبعة على ستة. وده لا يساوي اتنين على تلاتة. فبالتالي نقدر نستبعد الإجابة التالتة.

بالنسبة للمقدار الرابع هيساوي تلاتة على أربعة، في ستة على واحد. فباستخدام التبسيط هنقسم مقام الكسر الأول وبسط الكسر التاني على اتنين. فده هيساوي تلاتة في تلاتة، على اتنين في واحد. اللي هيساوي تسعة على اتنين. وده لا يساوي اتنين على تلاتة. وبالتالي نقدر نستبعد الإجابة الرابعة.

بالنسبة للمقدار الخامس هيساوي أربعة على تسعة، في تلاتة على اتنين. وباستخدام التبسيط هنقسم بسط الكسر الأول ومقام الكسر التاني على اتنين، ومقام الكسر الأول وبسط الكسر التاني على تلاتة. فده هيساوي اتنين في واحد، على تلاتة في واحد. اللي هيساوي اتنين على تلاتة، وده الناتج المطلوب. فبالتالي تبقى الإجابة الصحيحة هي الإجابة ﻫ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.