فيديو: تحليل كثيرات الحدود

اذكر جميع عوامل ﻝ^٢ ﻕ.

٠١:٠٨

‏نسخة الفيديو النصية

اذكر جميع عوامل ل أُس اتنين ق.

عايزين في البداية نعرف يعني إيه عوامل. لو عندنا على سبيل المثال عدد اللي هو اتناشر. اتناشر اللي هي عبارة عن اتناشر مضروبة في واحد. وعبارة عن ستة مضروبة في اتنين. واتناشر عبارة عن تلاتة مضروبة في أربعة.

يبقى نقدر نقول إن واحد اتنين تلاتة أربعة ستة واتناشر، هي جميع عوامل العدد اتناشر.

لو طبّقنا الكلام ده على السؤال اللي موجود عندنا. هنلاقي ل أُس اتنين ق هي عبارة عن واحد في ل أُس اتنين ق. أو هي عبارة عن ل أُس اتنين مضروبة في ق. أو ل مضروبة في ل ق. دي كل الطرق اللي نقدر نجيب بيها ل أُس اتنين ق.

وهتبقى جميع عوامل ل أُس اتنين ق، هي: واحد، ل، ل أُس اتنين، ل أُس اتنين ق، وَ ل ق، وأخيرًا ق.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.