فيديو: التحليل بإخراج العوامل المشتركة

حلل المقدار ٦ﻡ^٢ + ٣ﻡ − ٦ﻡﻥ تحليلًا كاملًا.

٠١:٢٧

‏نسخة الفيديو النصية

حلِّل المقدار ستة م تربيع زائد تلاتة م ناقص ستة م ن تحليلًا كاملًا.

يعني مُعطى عندنا المقدار ده، وعايزين نحلله. وهنعمل كده عن طريق إخراج العوامل المشتركة؛ لأن هنلاحظ إن عندنا الـ م عامل مشترك في الحدود التلاتة للمقدار. فهناخد م عامل مشترك. وهنلاحظ برضو إننا نقدر ناخد العدد تلاتة عامل مشترك. فبالتالي هتبقى العوامل المشترَكة عندنا هي تلاتة م.

بعد كده هنبدأ نحسب عن طريق إننا نقسم ستة م تربيع على تلاتة م، واللي هتساوي اتنين م. بعد كده هنقسم تلاتة م على تلاتة م، واللي هتساوي واحد. فهنكتب هنا زائد واحد. وبعد كده هنقسم الحد التالت اللي هو سالب ستة م ن على تلاتة م، واللي هتساوي سالب اتنين ن. فبالتالي هيبقى المقدار عندنا بيساوي تلاتة م في اتنين م زائد واحد ناقص اتنين ن. ونقدر نرتب المقدار بالشكل ده. فبالتالي هيبقى المقدار هو تلاتة م في، اتنين م ناقص اتنين ن زائد واحد. وهيبقى هو ده تحليل المقدار اللي معطى عندنا في السؤال، وقدرنا نحلل المقدار عن طريق إخراج العوامل المشتركة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.