فيديو السؤال: تحديد الأشكال الرياضيات

نسخة الفيديو النصية

أيٌّ من المجسّمات الآتية له واحد وجه، وصفر حرف، وواحد رأس؟ وعندنا خمس اختيارات؛ أ: الهرم. وَ ب: الأسطوانة. وَ ج: الكرة. د: المكعب. وَ هـ: المخروط.

عايزين دلوقتي نعرف أيّ مجسّم فيهم عنده وجه واحدة، ومش عنده أيّ أحرُف، وعنده رأس واحدة بس.

لو بصّينا على أول اختيار، اللي هو الهرم، هنلاقي إن هو عنده خمس أوجُه، مش وجه واحدة بس. وبالتالي مش هيكون هو ده الاختيار الصحيح. وتاني مجسّم عندنا هو الأسطوانة. والأسطوانة مش عندها ولا رأس. وبالتالي برضو مش هتكون هي دي الإجابة الصحيحة. تالت مجسّم، وهو الكرة. والكرة مش عندها ولا وجه، ولا أحرُف، ولا أيّ رؤوس. وبالتالي هتكون برضو إجابة خاطئة. وكمان المكعّب مش هيكون الإجابة الصحيحة؛ لأن هو عنده تمن رؤوس، مش رأس واحدة.

وبكده الإجابة الصحيحة هتكون هي المخروط. لأن المخروط عنده رأس واحدة. ومش عنده أيّ أحرُف. وعنده وجه واحد.

وبكده هتكون إجابة السؤال هي الاختيار الأخير.