فيديو: تفكيك الأعداد من ١١ إلى ١٩ إلى عشرة آحاد وبعض الآحاد

صنع شادي قطارًا من ١٩ مكعبًا. أيُّ القطارات تفكَّكت بشكل صحيح إلى عشرة آحاد وبعض آحاد أخرى؟ [أ] شكل أ [ب] شكل ب [ج] شكل ﺟ

٠٢:٥٨

‏نسخة الفيديو النصية

صنع شادي قطارًا من تسعتاشر مكعبًا. أيّ القطارات تفكّكت بشكل صحيح، إلى عشرة آحاد، وبعض آحاد أخرى.

فيه ولد اسمه شادي كان معاه تسعتاشر مكعب. خد التسعتاشر مكعب بتوعه، وعمل بيهم قطر. بس القطر ده اتفكّك. اتفكك لجزئين، إيه هم الجزئين؟ جزء فيه عشرة آحاد؛ يعني عشر مكعبات. وبعض آحاد أخرى؛ ومكعبات تانية. فعاوزين نعرف أيّ صورة من اللي قدامنا دول، هي اللي بتوضح القطر بتاع شادي، بعد ما اتفكّك.

لو جينا نبص على أول صورة، ونبصّ على الجزء ده، هنلاقي فيه كام مكعب؟ واحد، اتنين، تلاتة، أربعة، خمسة، ستة، سبعة، تمنية، تسعة، عشرة. معنى كده إن الجزء ده هو اللي اتفكّك لإيه؟ لعشرة آحاد. طيب وبعض آحاد أخرى، اللي هم مين؟ الجزء ده، تعالوا نعدهم نشوفهم قدّ إيه. واحد، اتنين، تلاتة، أربعة، خمسة، ستة، سبعة، تمنية. يعني دول كده تمن آحاد.

طيب وإحنا قلنا إن شادي معاه كام مكعب؟ معاه تسعتاشر مكعب. يعني إيه تسعتاشر مكعب؟ تسعتاشر مكعب؛ يعني الواحد ده اللي هو عشرة آحاد، والتسعة بعض آحاد. طيب إحنا هنا عندنا بعض آحاد كام؟ تمنية. يبقى الصورة دي صح؟ لأ طبعًا مش صح.

طيب تعالوا كده نشوف الصورة اللي بعدها. الصورة اللي بعدها عندنا: واحد، اتنين، تلاتة، أربعة، خمسة، ستة، سبعة، تمنية، تسعة، عشرة عشرات. يعني إيه؟ يعني عندنا عشر أشكال. كل شكل فيه عشر مكعبات. يعني مية مكعب، وواحد في الآحاد. طب هل ده بيمثل التسعتاشر مكعب؟ لأ طبعًا، ده عدد مكعبات كبير وكتير أوي. فبرضو هنستبعد الإجابة دي ، زي ما استبعدنا الإجابة الأولى.

نيجي بقى نشوف تالت صورة والأخيرة. نبدأ بالجزء ده: واحد، اتنين، تلاتة، أربعة، خمسة، ستة، سبعة، تمنية، تسعة، عشرة. تمام يبقى كده الجزء ده عشرة آحاد؛ لأنهم عشر مكعبات. طيب نيجي بقى لبعض آحاد، نشوفهم قدّ إيه. واحد، اتنين، تلاتة، أربعة، خمسة، ستة، سبعة، تمنية، تسعة. آه دول كده هنا إيه؟ تسعة آحاد. وإحنا قلنا التسعتاشر عبارة عن تسعة آحاد، وعشرة آحاد. فمعنى كده إن الصورة دي هي اللي صح. وتبقى هي دي الإجابة اللي إحنا المفروض نختارها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.