فيديو: استخدام جدول المائة للعد بالآحاد

اكتب العدد الناقص.

٠١:٢٣

‏نسخة الفيديو النصية

اكتب العدد الناقص. عندنا جدول المائة اللي قدامنا ده. وعاوزين نعرف العدد الناقص اللي المفروض يتكتب هنا هو إيه.

جدول المائة بيبدأ بالواحد، وبينتهي عند المية. وكل صفّ من صفوفه فيه عشرة، أو عشر أعداد. يعني مثلًا الصفّ الأول فيه واحد، اتنين، تلاتة، أربعة، خمسة، ستة، سبعة، تمنية، تسعة، عشرة. وزيّه الصفّ اللي بعده؛ عشرة. واللي بعده عشرة. واللي بعده عشرة، وهكذا.

نيجي بقى للصفّ ده. اللي هو فيه عدد ناقص في المربع الأزرق ده. بادئ بإيه؟ بواحد وستين. بعد الواحد وستين اتنين وستين، تلاتة وستين، أربعة وستين، خمسة وستين. حتى تعالوا نكمّل. ستة وستين، سبعة وستين، تمنية وستين، تسعة وستين، سبعين. يبقى العدد اللي ناقص هنا في المربع ده هو الخمسة وستين؛ لأن هو العدد اللي بييجي بعد الأربعة وإيه؟ وستين.

فتبقى الإجابة هي: خمسة وستين. هي دي الإجابة الصحّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.