فيديو: استخدام مجموعات لفهم ناتج ضرب الأعداد الصحيحة

أي من الآتي يمكن قراءته «مجموعتان كل منهما من ٨ عناصر»؟ [أ] ٢ + ٨ [ب] ٨ − ٢ [ج] ٢ ÷ ٨ [د] ٢ × ٨

٠٢:١٠

‏نسخة الفيديو النصية

أي من الآتي يمكن قراءته: مجموعتان كل منهما من تمن عناصر. أ: اتنين زائد تمنية. ب: تمنية ناقص اتنين. ج: اتنين على تمنية. د: اتنين في تمنية.

عندنا عبارة وهي مجموعتان كل منهما من تمن عناصر. وعاوزين نعرف أي اختيار من الاختيارات اللي قدامنا دي، هي اللي بتمثّل العبارة. طيب العبارة بتقول لنا إيه؟ بتقول لنا إننا عندنا مجموعتين. آدي دي مجموعة، وآدي دي مجموعة. كل واحدة من المجموعتين دول فيها تمن عناصر. يعني هنا فيه تمن عناصر وهنا فيه تمن عناصر. لو عاوزين بقى نعبر عن المجموعتين دول نقول إيه. مش العناصر اللي في المجموعة الأولى تمنية؟ واللي في المجموعة التانية برضو تمنية؟ يعني كلهم تمنية وتمنية. تمنية زائد تمنية.

طيب لو جينا نبصّ في الاختيارات. اتنين زائد تمنية، لأ. تمنية ناقص اتنين، برضو مش هي. اتنين على تمنية، مش هي. اتنين في تمنية، مش هي. يبقى ولا اختيار صح.

طيب نحاول نشوف شكل تاني لتمنية زائد تمنية. مش تمنية زائد تمنية دي عبارة عن تمانيتين مجموعتين. يبقى إحنا ممكن نحوّل عملية الجمع اللي قدامنا دي إلى عملية ضرب، بإننا ناخد التمنية ونضربها في عددها اللي هي موجودة مرتين يعني اتنين. فده معناه إن تمنية زائد تمنية هي هيّاها تمنية في اتنين، وهي هيّاها برضوا اتنين في تمنية، ما فرقتش.

طيب لو جينا نبصّ في الاختيارات. أول اختيار اتنين زائد تمنية، مش هو. طب تمنية ناقص اتنين، برضو غلط. طب اتنين على تمنية، برضو غلط. طب اتنين في تمنية، أيوة هو ده الاختيار الصح.

يبقى اتنين في تمنية هي بتمثّل لنا الاتنين اللي همّ المجموعتين. مجموعتين. والتمنية بتمثّل لنا عدد العناصر. والسؤال بيقول لنا: مجموعتين في كل واحدة تمن عناصر. يبقى اتنين في تمنية. هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.