فيديو: فهم ترتيب العمليات وخاصية التوزيع

حلّل (١٩ + ٢٦) × ٩ = ١٩ + ٢٦ × ٩، ثم حدّد هل هو صحيح أم خطأ.

٠٢:٠٧

‏نسخة الفيديو النصية

حلّل: تسعتاشر زائد ستة وعشرين، في تسعة يساوي تسعتاشر زائد ستة وعشرين في تسعة. ثم حدّد، هل هو صحيح أم خطأ.

فعشان نحلّل المعادلة اللي عندنا، فمعنى كده إننا عايزين نوجد قيمة الطرف الأيمن للمعادلة، ونوجد قيمة الطرف الأيسر للمعادلة. فأول حاجة هنوجد قيمة الطرف الأيمن للمعادلة. والطرف الأيمن للمعادلة هو تسعتاشر زائد ستة وعشرين، في تسعة. وخلينا نفتكر إن في ترتيب العمليات، أول حاجة بنعملها إننا بنعمل العمليات اللي داخل الأقواس.

فمعنى كده إننا أول حاجة هنعملها، هنجمع تسعتاشر زائد ستة وعشرين. فلمّا نحسبها هتبقى بتساوي خمسة وأربعين. فبالتالي هيبقى الطرف الأيمن للمعادلة هو خمسة وأربعين في تسعة. بعد كده هنوجد حاصل ضرب خمسة وأربعين في تسعة. فلمّا نحسبها هتبقى بتساوي ربعمية وخمسة. وبالتالي هيبقى قيمة الطرف الأيمن للمعادلة هو ربعمية وخمسة.

بعد كده هنوجد قيمة الطرف الأيسر للمعادلة. والطرف الأيسر للمعادلة هو تسعتاشر زائد ستة وعشرين في تسعة. فهنلاحظ إننا عندنا هنا عملية جمع، وعملية ضرب. ومن ترتيب العمليات، خلينا نفتكر إننا في الأول بنقوم بعمل عمليات الضرب والقسمة. بعد كده بنعمل عمليات الجمع والطرح.

فمعنى كده إننا علشان نوجد قيمة الطرف الأيسر للمعادلة، أول حاجة هنعملها هنعمل عملية الضرب. يعني هنضرب ستة وعشرين في تسعة. فيبقى الطرف الأيسر هو تسعتاشر زائد … وهنضرب ستة وعشرين في تسعة. فلمّا نحسبها هتبقى بتساوي ميتين أربعة وتلاتين. فهيبقى الطرف الأيسر للمعادلة هو تسعتاشر زائد ميتين أربعة وتلاتين. فلمّا نجمعهم هيبقى بيساوي ميتين تلاتة وخمسين. وبالتالي هيبقى قيمة الطرف الأيسر للمعادلة هو ميتين تلاتة وخمسين.

ومن هنا هنلاحظ إن الطرف الأيمن للمعادلة لا يساوي الطرف الأيسر للمعادلة. وبالتالي المعادلة اللي عندنا مش هتتحقق. فمعنى كده إن الإجابة هي: خطأ؛ لأن الطرف الأيمن للمعادلة مش بيساوي الطرف الأيسر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.