تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قياس زاوية الرأس في المثلث المتساوي الساقين

أحمد لطفي

فى الشكل التالى، اوجد ق∠دﺟﺏ؟

٠٤:٤٥

‏نسخة الفيديو النصية

في الشكل التالي اوجد قياس زاوية د ج ب.

في البداية في المثلث أ د ج هنلاحظ إن الضلع أ د والضلع ج د متطابقان، وبالتالي يبقى المثلث أ د ج هو مثلث متساوي الساقين. وفي المثلث المتساوي الساقين فالزوايا المقابلة للأضلاع المتطابقة بتكون متساوية في القياس؛ يعني الزاوية ج أ د هتساوي الزاوية د ج أ في القياس. وبما إن الزاوية ج أ د بتساوي أربعة وتلاتين درجة، يبقى الزاوية د ج أ هتساوي أربعة وتلاتين درجة أيضًا؛ ويبقى قياس الزاوية ج أ د بتساوي قياس الزاوية أ ج د بيساوي أربعة وتلاتين درجة.

تاني خطوة هنكتب معادلة تمثل مجموع قياسات الزوايا في المثلث أ ج د، عشان نقدر نوجد قياس الزاوية أ د ج. وبالتالي هيكون عندنا قياس الزاوية ج أ د زائد قياس الزاوية أ ج د زائد قياس الزاوية أ د ج بيساوي مية وتمانين درجة. هنعوّض عن قياس الزاوية ج أ د بأربعة وتلاتين درجة، زائد … هنعوّض عن قياس زاوية أ ج د بأربعة وتلاتين درجة أيضًا، زائد … هنرمز لقياس الزاوية أ د ج بالرمز د؛ ويبقى أربعة وتلاتين درجة زائد أربعة وتلاتين درجة زائد د هيساوي مية وتمانين درجة، وبالتالي أربعة وستين درجة زائد د هيساوي مية وتمانين درجة؛ يعني د هتساوي مية وستاشر درجة. ويبقى قدرنا نوجد قياس الزاوية أ د ج وكان بيساوي مية وستاشر درجة.

هنمسح الخطوات السابقة وهنشوف إزاي هنقدر نوجد قياس الزاوية ب د ج. هنلاحظ إن قياس الزاوية ب د ج بيساوي مية وتمانين درجة ناقص قياس الزاوية أ د ج، وبالتالي قياس الزاوية ب د ج هيساوي مية وتمانين درجة ناقص مية وستاشر درجة، يعني هيساوي أربعة وستين درجة، ويبقى قياس الزاوية ب د ج هيساوي أربعة وستين درجة. وبما إن الضلع ج د والضلع ج ب متطابقين، فالمثلث ب ج د هو مثلث متساوي الساقين. وفي المثلث المتساوي الساقين الزوايا المقابلة للأضلاع المتطابقة بتكون متساوية في القياس؛ وبالتالي قياس الزاوية ب د ج هيساوي قياس الزاوية ج ب د هيساوي أربعة وستين درجة. وبالتالي لو عايزين نوجد قياس الزاوية د ج ب، هنرمز لقياس الزاوية د ج ب بالرمز ص، وهنكتب معادلة بتمثل مجموع قياسات الزوايا في المثلث ب ج د، عشان نقدر نوجد قياس الزاوية د ج ب.

هنمسح الخطوات السابقة، هيكون عندنا قياس الزاوية ب د ج زائد قياس الزاوية ج ب د زائد قياس الزاوية د ج ب بيساوي مية وتمانين درجة. هنعوّض عن قياس الزاوية ب د ج بأربعة وستين درجة، زائد … هنعوّض عن قياس الزاوية ج ب د بأربعة وستين درجة، زائد … هنعوّض عن قياس الزاوية د ج ب بالرمز ص؛ يبقى أربعة وستين درجة زائد أربعة وستين درجة زائد ص هيساوي مية وتمانين درجة؛ وبالتالي مية تمنية وعشرين درجة زائد ص هيساوي مية وتمانين درجة؛ يعني ص هتساوي اتنين وخمسين درجة.

ويبقى قدرنا نوجد إن قياس الزاوية د ج ب بيساوي اتنين وخمسين درجة.