فيديو: إيجاد قياس زاوية باستخدام خواص الزوايا المتقابلة بالرأس

إذا كان المستقيمان ﺃﺏ، ﺟﺩ يتقاطعان عند ﻭ، فأوجد ق∠ﺃﻭﺟ.

٠١:٤٦

‏نسخة الفيديو النصية

إذا كان المستقيمان أ ب، وَ ﺟ د يتقاطعان عند و، فأوجد قياس الزاوية أ و ﺟ.

ومعطى عندنا الشكل اللي قدامنا ده. وفي الأول خلينا نفتكر، لمّا بيكون عندنا مستقيمين متقاطعين، زي اللي عندنا هنا أ ب، وَ ﺟ د، فبيشكّلوا زوجين من الزوايا المتقابلة. وكل زوج من الزوايا بنسمّيه زاويتين متقابلتين بالرأس. وخلينا نفتكر إن الزاويتين المتقابلتين بالرأس، بيكونوا زاويتين متطابقتين؛ يعني ليهم القياس نفسه. فمعنى كده إن في الشكل اللي قدامنا، هيبقى قياس الزاوية د و ب، بتساوي قياس الزاوية أ و ﺟ.

وهنلاحظ عندنا إن الزاوية د و ب بتنقسم إلى زاويتين. أول زاوية هي د و هـ، واللي قياسها خمسة وتلاتين درجة. وتاني زاوية هي ب و هـ، واللي قياسها تمنية وأربعين درجة. فمعنى كده إن قياس الزاوية د و ب بيساوي مجموع القياسين اللي عندنا. فمعنى كده إن قياس الزاوية د و ب بتساوي خمسة وتلاتين درجة زائد تمنية وأربعين درجة. واللي بتساوي قياس الزاوية أ و ﺟ.

فعشان نوجد قياس الزاوية أ و ﺟ، يبقى هنجمع خمسة وتلاتين درجة زائد تمنية وأربعين درجة. فلمّا نجمعهم هتبقى بتساوي تلاتة وتمانين درجة. وبالتالي هيبقى قياس الزاوية أ و ﺟ تساوي تلاتة وتمانين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.