فيديو: الاستدلال من البيانات في المخطط الصندوقي

اذكر إذا ما كان الآتي صوابًا أو خطأً: توجد قيم في الفترة ٣٦–٨٠ أكثر من القيم الموجودة في الفترة ٦٤–٨٠.

٠٢:٢٢

‏نسخة الفيديو النصية

اذكر إذا ما كان الآتي صوابًا أو خطأً. توجد قيم في الفترة من ستة وتلاتين إلى تمانين، أكثر من القيم الموجودة في الفترة من أربعة وستين إلى تمانين. ومعطى عندنا مخطّط الصندوق اللي في الشكل.

وخلّينا في الأول نفتكر كل نقطة في مخطّط الصندوق بتمثّل إيه. وفي الأول بيبقى عندنا نقطتين اللي على الأطراف هنا، بيمثلوا القيم العظمى والصغرى. فبتبقى النقطة دي هي القيمة الصغرى. وأمّا النقطة التانية، فهي اللي بتمثّل القيمة العظمى. والقيمة العظمى معناها أكبر قيمة في البيانات.

وأمّا النقطة اللي في نص الصندوق دي، فهي اللي بتمثّل الوسيط لمجموعة البيانات اللي عندنا. وأمّا النقطتين اللي موجودين على أطراف الصندوق نفسه، فهم اللي بيمثلوا الرُّبيع الأدنى للبيانات، والرُّبيع الأعلى للبيانات. وأمّا النقطة اللي هنا، اللي هي على شكل نجمة، فهي بتعبّر عن قيمة متطرفة. فيبقى إحنا كده عرفنا كل نقطة بتمثّل إيه في المخطط الصندوقي.

وبعد كده خلّينا نفتكر إن كلما زاد طول الصندوق أو طول طرفيه، ازدادت البيانات تبياينًا وزاد مداها. بينما يدل قِصَر الطرف أو الصندوق، على المدى القليل. فلمّا نيجي نشوف الشكل اللي عندنا، فهنلاحظ إن الجزء الأطول من الصندوق موجود في الطرف الأيسر. فمعنى كده إن النصف الأول من البيانات، هو الأكتر تبياينًا. وأمّا الجزء اللي على جهة اليمين، فهنلاحظ إن هو قصير. وده بيدل على المدى القليل.

فلمّا نيجي نشوف السؤال اللي عندنا. توجد قيم في الفترة من ستة وتلاتين إلى تمانين، أكثر من القيم الموجودة في الفترة من أربعة وستين إلى تمانين. فهنلاحظ إن الفترة من ستة وتلاتين إلى تمانين، اللي هي الفترة دي، موجود فيها قيم أكتر من القيم الموجودة في الفترة من أربعة وستين إلى تمانين. فبالتالي هتبقى إجابة السؤال: «اذكر إذا ما كان الآتي صوابًا أو خطأً.» هي: صواب. لأن بالفعل توجد قيم في الفترة من ستة وتلاتين إلى تمانين، أكثر من القيم الموجودة في الفترة من أربعة وستين إلى تمانين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.