فيديو: تحديد مقادير قسمة الأعداد الكسرية التي ينتج عنها خارج قسمة معين

أيٌّ من مقادير القسمة التالية ينتج عنه خارج القسمة ٣/١ ١؟ [أ] ٩/٥ ٦ ÷ ٩/٨ ٢ [ب] ٧/٢ ٩ ÷ ٥/٤ ٣ [ج] ٤/١ ٨ ÷ ٧/٦ ٩ [ﻫ] ٣/٢ ٤ ÷ ٢/١ ٣ [د] ٥/٣ ٩ ÷ ٦/١ ٢

٠٦:٠٩

‏نسخة الفيديو النصية

أيّ من مقادير القسمة التالية ينتج عنه خارج القسمة واحد وواحد على تلاتة؟ مطلوب تحديد الإجابة الصحيحة من بين الخمسة اختيارات الموجودين.

عشان نحدد الإجابة الصحيحة أول حاجة بنشوف. بنلاقي إن جميع المقادير العددية الموجودة هي عبارة عن قسمة أعداد كسرية. والعدد الكسري بيكون مكوّن من جزئين. على سبيل المثال واحد وواحد على تلاتة، بنلاقي إنه مكون من جزئين؛ أول جزء هو الواحد وهو عبارة عن الجزء الصحيح. والجزء الكسري بيكون عبارة عن كسر غير فعلي.

فلو شُفنا عندنا خارج القسمة اللي ناتج هو عبارة عن واحد وواحد على تلاتة. فعشان نحدد أي الاختيارات الآتية هو الاختيار الصحيح. هنبدأ نشوف عندنا الجزء الصحيح وهنهمل الجزء الكسري دلوقتي. فهنبدأ نقسم الأجزاء الصحيحة عشان نحدد الاختيارات المناسبة، أو اللي ممكن ينتج عنها خارج القسمة اللي موجود عندنا في السؤال، وهو عبارة عن واحد وواحد على تلاتة.

بنبدأ أول حاجة بالاختيار أ. بناخد الأجزاء الصحيحة، بنلاقي عندنا ستة على تسعة. الناتج القسمة بيكون بتلاتة. لكن ناتج القسمة عندنا هنا أو الجزء الصحيح بيكون بواحد؛ يبقى ما ينفعش أ يكون هو الاختيار الصحيح.

بعد كده بنشوف الاختيار ب. بنلاقي عندنا الأجزاء الصحيحة تسعة على التلاتة، ناتج القسمة هيكون بتلاتة. لكن عندنا هنا بواحد؛ يبقى ما ينفعش يكون الاختيار ب هو الاختيار الصحيح.

بعد كده الاختيار ج. بنلاقي الأجزاء الصحيحة تمنية على تسعة. تمنية على التسعة أقل من الواحد؛ يبقى ما ينفعش يكون الاختيار ج هو الاختيار الصحيح عندنا في السؤال ده.

بنشوف بعد كده الاختيار ﻫ. بنلاقي عندنا الأجزاء الصحيحة أربعة على التلاتة. فعلًا أربعة على التلاتة بيكون ناتج القسمة أو الجزء الصحيح بواحد؛ يبقى الاختيار ﻫ ممكن فعلًا يكون الإجابة الصحيحة.

هنشوف بعد كده آخر اختيار وهو د. بنلاقي عندنا إن الجزء الصحيح تسعة على الاتنين. تسعة على الاتنين تقريبًا أربعة وخمسة من عشرة؛ يعني ما ينفعش يكون اختيار صحيح. فبنشطب كده على الاختيار د.

بعد ما حددنا الاختيار الصحيح هنتتحقق منه عن طريق إجراء هذه القسمة. فبنكتب كده أربعة واتنين على التلاتة، على تلاتة وواحد على الاتنين.

أول حاجة هنحوّل الأعداد الكسرية الموجودة عندنا في هذا المقدار العددي إلى كسور غير فعلية. فبنبدأ أول حاجة بأربعة واتنين على التلاتة. بنضرب أربعة أو الجزء الصحيح في مقام الجزء الكسري. فيطلع عندنا أربعة في تلاتة باتناشر.

بعد كده نجمعه يبقى هنا جمع وهنا ضرب. هنجمعه على البسط يبقى اتناشر زائد اتنين بأربعتاشر على التلاتة؛ على تلاتة وواحد على الاتنين. بنضرب تلاتة في اتنين بستة زائد واحد يبقى سبعة، على الاتنين.

هنكمل ونقلب علامة القسمة إلى علامة ضرب. بعد كده المقسوم عليه هنقلب البسط مكان المقام، والمقام هيبقى مكان البسط. يبقى اتنين على سبعة. بنلاقي إن فيه عامل مشترك أكبر بين البسط والمقام، وهو السبعة. فنبقسم أربعتاشر على السبعة الناتج باتنين. سبعة على سبعة بواحد.

بنكمل، يبقى ناتج القسمة هيكون عبارة عن اتنين في اتنين بأربعة، على تلاتة في واحد بتلاتة. بعد كده بنلاقي عندنا إن البسط بأربعة والمقام بتلاتة. يبقى الكسر ده كسر غير فعلي، مطلوب نحوّله إلى عدد كسري باستخدام القسمة، وده هيحصل كالتالي.

بنقسم أربعة على التلاتة. وبنشوف بعد كده أي الأعداد اللي ممكن نضربها في تلاتة، وبيكون الناتج قريب من أربعة. فبنلاقي عندنا واحد في تلاتة بتلاتة، يبقى الناتج بتلاتة. بعد كده اتنين في تلاتة بيكون الناتج بستة. يبقى العدد عندنا هيكون عبارة عن واحد. يبقى أربعة على التلاتة الناتج بيكون بواحد. بعد كده بنضرب واحد في تلاتة بتلاتة. وبنطرح يبقى أربعة ناقص تلاتة بيكون الناتج بواحد.

الواحد ده هو عبارة عن ناتج القسمة. والواحد ده عبارة عن الباقي. يبقى الكسر الغير فعلي أربعة على التلاتة هنكتبه في صورة عدد كسري كالتالي: الناتج بواحد، وواحد على التلاتة. الباقي على التلاتة وهي عبارة عن المقسوم عليه. يبقى فعلًا خارج القسمة عبارة عن واحد وواحد على التلاتة. وبالتالي يبقى الاختيار الصحيح هو الاختيار ﻫ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.