تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: فك الفرق بين مربعين

أحمد مدحت

أوجد مفكوك حاصل ضرب (٢ﻡ + ﻥ)(٢ﻡ − ﻥ).

٠١:٢٢

‏نسخة الفيديو النصية

عندنا في المثال، عايزين نوجد مفكوك حاصل ضرب اتنين م زائد ن، في اتنين م ناقص ن.

في المثال ده هنلاحظ إن إحنا عايزين نوجد حاصل ضرب مجموع حدّين، في الفرق بينهم. وحاصل ضرب مجموع حدّين والفرق بينهم بيكون عبارة عن الفرق بين مربعَي الحدّين دول. فلو الصورة العامة لحاصل ضرب مجموع حدّين والفرق بينهم على الشكل: أ زائد ب، في أ ناقص ب؛ فهيكون الناتج هو أ تربيع ناقص ب تربيع. والمقدار ده بنسمّيه الفرق بين مربعين.

وبالنسبة للمثال اللي عندنا، فإحنا عايزين نوجد حاصل ضرب اتنين م زائد ن، في اتنين م ناقص ن. فلمّا هنستخدم متطابقة الفرق بين مربعين، هنلاقي اتنين م زائد ن، في اتنين م ناقص ن، يساوي اتنين م الكل تربيع ناقص ن تربيع. واتنين م الكل تربيع يساوي أربعة م تربيع. بالتالي هيبقى اتنين م زائد ن، في اتنين م ناقص ن، يساوي أربعة م تربيع ناقص ن تربيع.

وبكده يبقى إحنا جِبنا مفكوك حاصل ضرب اتنين م زائد ن، في اتنين م ناقص ن، وهو أربعة م تربيع ناقص ن تربيع.