فيديو السؤال: تحديد عنقود من البيانات في التمثيل بالنقاط

نسخة الفيديو النصية

يوضّح الرسم الخطّي درجات اختبار الرياضيات لمجموعة من الطلاب. أيٌّ مما يلي يمثل عنقودًا للبيانات؟ ومعطى عندنا الاختيارات؛ أ: من خمستاشر لتسعتاشر. ب: من ستّاشر لسبعتاشر. ج: من ستّاشر لتمنتاشر. د: من ستّاشر لتسعتاشر. ﻫ: من سبعتاشر لتسعتاشر.

وخلّينا في الأول نفتكر إن عنقود البيانات هو بيانات متجمّعة بشكل قريب بعضها من بعض. فلمّا نيجي نشوف الرسم الخطّي اللي عندنا، هنلاحظ إن البيانات المتجمّعة بشكل قريب، هي مجموعة البيانات اللي في الجزء ده؛ فبالتالي هيبقى الجزء ده هو اللي بيمثل العنقود.

فبالتالي لمّا نيجي نلاحظ على خط الأعداد، هنلاحظ إن عنقود البيانات بيبدأ من عند ستّاشر لحد تسعتاشر. فبالتالي هتبقى الإجابة الصحيحة هي الاختيار د ستّاشر لتسعتاشر.