نسخة الفيديو النصية
أوجد ارتفاع هرم منتظِم حجمه مية ستة وتسعين سنتيمتر مكعب، ومساحة قاعدته اتنين وأربعين سنتيمتر مربع.
مدّينا في السؤال حجم هرم منتظِم. ومدّينا كمان مساحة قاعدته. ومطلوب مننا نحسب الارتفاع. عندنا حجم الهرم بيساوي تُلت مضروبة في، مساحة القاعدة في الارتفاع.
إحنا عندنا حجم الهرم، وعندنا مساحة القاعدة. هنعوّض بيهم؛ عشان نقدر نحسب الارتفاع. حجم الهرم مية ستة وتسعين هيساوي تُلت مضروبة في … مساحة القاعدة باتنين وأربعين في الارتفاع، اللي عايزين نحسبه. أول خطوة هنعملها، هنضرب الطرفين في تلاتة؛ عشان نقدر نحسب الارتفاع بكام. هيبقى عندنا مية ستة وتسعين في تلاتة هتساوي تلاتة في تلت في اتنين وأربعين في الارتفاع. مية ستة وتسعين في تلاتة بخمسمية تمنية وتمانين. هتساوي … تلاتة في تلت بواحد مش هنكتبها. واتنين وأربعين في الارتفاع هتنزل زيّ ما هي.
بعد كده عشان نخلّي الارتفاع في طرف لوحدها، هنبدأ نقسم طرفَي المعادلة على اتنين وأربعين. هيبقى عندنا خمسمية تمنية وتمانين على اتنين وأربعين هتساوي اتنين وأربعين على اتنين وأربعين، في الارتفاع. يبقى كده نقدر نقول: إن الارتفاع هيساوي أربعتاشر سنتيمتر. وبكده قدرنا نحسب الارتفاع اللي مطلوب مننا في السؤال.
