فيديو: قسمة الأعداد حتى ٩٩

أوجد خارج قسمة ٤٢ ÷ ٣.

٠١:١٣

‏نسخة الفيديو النصية

أوجد خارج قسمة اتنين وأربعين على تلاتة.

علشان نعرف اتنين وأربعين على تلاتة بيساوي كام. هنبدأ بقسمة الرقم الموجود في خانة العشرات اللي هو أربعة، على تلاتة. وهنسأل نفسنا إيه العدد اللي لو ضربناه في تلاتة، هيساوي أربعة أو القريب من الأربعة؟ هنلاقي إن هو العدد واحد. بعد كده هنضرب واحد في تلاتة، ونكتب حاصل الضرب ده تحت الأربعة. بعد كده نطرح. أربعة ناقص تلاتة بيساوي واحد. ولمّا نيجي نقسم واحد على تلاتة، مش هينفع لأن الواحد أصغر. علشان كده هنزل الاتنين دي.

وبكده نبدأ نقسم تاني اتناشر على تلاتة. هنسأل نفسنا إيه العدد اللي لو ضربناه في تلاتة، هيكون الناتج هو اتناشر؟ هنلاقي إن هو العدد أربعة. أربعة في تلاتة بيساوي اتناشر. وهنكتب حاصل الضرب ده تحت الاتناشر دي. وبعدين نطرح. اتناشر ناقص اتناشر صفر. وبكده هيكون خارج قسمة اتنين وأربعين على تلاتة هو العدد أربعتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.