فيديو: تحديد العناصر الواقعية المتشابهة تمامًا

هاتان السيارتان متشابهتان تمامًا. اختر الكتاب المشابه تمامًا لهذا الكتاب. [أ] كتاب أ [ب] كتاب ب [ج] كتاب ﺟ

٠٢:٠٢

‏نسخة الفيديو النصية

هاتان السيارتين متشابهتان تمامًا. اختر الكتاب المشابه تمامًا لهذا الكتاب.

السؤال بيقول لنا: إن العربيتين اللي عندنا دول متشابهتان تمامًا. يعني إيه متشابهتان تمامًا؟ يعني زيّ بعض وقدّ بعض بالظبط. نفس اللون، نفس الشكل، نفس كل حاجة. ده معنى التشابه. فبعديها بقى سألنا سؤال. بيقول لنا إيه؟ اختر الكتاب المشابه للكتاب ده. شايفين الكتاب ده؟ عاوزين نختار كتاب تاني قدّه وشبهه بالظبط في كل حاجة. هل هو الكتاب ده، ولّا ده، ولّا ده؟

تعالوا نشوف. إحنا لمّا جينا بصّينا على العربيتين، لقيناهم نسخة من بعض. فإحنا عاوزين لمّا نبصّ على الكتاب ده، نختار كتاب تاني نسخة منه. طيب إيه رأيكم في الاختيار ده؟ لو جينا نبصّ عليه هنلاقي الكتابين آه زيّ بعض، بس ده لونه أحمر، اللي هو ده، وده لونه أخضر. يبقوا هم كده مالهمش نفس اللون. يبقى ما ينفعش نختار الإجابة دي.

طيب ولو جينا نبصّ على الكتاب ده، هنلاقيه لونه أخضر آه زيّ الكتاب بتاعنا، بس أرفع منه. إن الكتاب ده فيه ورق كتير، لكن الكتاب ده فيه شوية ورق صغيّرين. يبقى هو كده مش بيشبهه. فبرضو الإجابة دي هنستبعدها.

نيجي لآخر اختيار، وهو الكتاب ده. لو بصّينا على الكتاب ده، هنلاقيه شبه الكتاب بتاعنا. نفس اللون، ونفس الحجم. يعني شبه بعض بالظبط. ما دام قلنا: شبه، يبقى متشابهان. عرفنا إيه هي الإجابة الصحّ. الإجابة الصحّ هي الكتاب ده. وهي دي الإجابة اللي إحنا المفروض نختارها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.