تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مجال الدوال الكسرية

أحمد لطفي

اوجد مجال الدالة د(س) = − ٣/جذر (٢س − ١).

٠١:٣٧

‏نسخة الفيديو النصية

اوجد مجال الدالة د س بتساوي سالب تلاتة مقسومة على، الجذر التربيعي لاتنين س ناقص واحد.

في البداية لو عندنا دالة، مثلًا ر س هتساوي أ س مقسومة على ب س. فمجال الدالة ر س هيكون جميع الأعداد الحقيقية، ما عدا ما يجعل الدالة اللي موجودة في المقام اللي هي ب س تساوي صفر.

وبالتالي بالنسبة للدالة المعطاة د س، فمحتاجين نوجد إمتى الدالة د س مقامها هيساوي صفر. وهنلاحظ إن في المقام عندنا جذر تربيعي. وبالتالي ما بداخل الجذر التربيعي لازم يكون أكبر من صفر. يعني هنقول إن اتنين س ناقص واحد، لازم تكون أكبر من صفر. وعشان نوجد قيمة س، هنجمع واحد على الطرفين؛ فهيكون عندنا اتنين س أكبر من واحد. وهنقسم الطرفين على اتنين، فهيكون عندنا س أكبر من واحد على اتنين.

وبالتالي قيم س لازم تكون أكبر من نُص عشان مقام الدالة د س لا يساوي صفر. وبالتالي يبقى مجال الدالة د س هيكون الفترة المفتوحة من نُص لحد ما لا نهاية.