فيديو: حل المسائل الكلامية بجمع ثلاثة أعداد صحيحة

ادخر سامح ٩١٥ جنيهًا في شهر، و٩٤٠ جنيهًا في الشهر الذي يليه، و٩٨٥ جنيهًا في الشهر الثالث. كم إجمالي عدد الجنيهات التي ادخرها سامح؟

٠٣:١٣

‏نسخة الفيديو النصية

ادّخر سامح تسعمية وخمستاشر جنيهًا في شهر، وتسعمية وأربعين جنيهًا في الشهر الذي يليه، وتسعمية خمسة وتمانين جنيهًا في الشهر الثالث. كم إجمالي عدد الجنيهات التي ادّخرها سامح؟

عرفنا في المثال ده إنه سامح ادّخر في الشهر الأول تسعمية وخمستاشر جنيه، وادّخر في الشهر التاني تسعمية وأربعين جنيه، وفي الشهر التالت ادّخر تسعمية خمسة وتمانين جنيه. ودلوقتي عايزين نعرف إجمالي عدد الجنيهات اللي ادّخرها سامح في التلات شهور. ومعنى كلمة إجمالي إننا هنستخدم عملية الجمع. بس يا ترى هنجمع أنهي عدد الأول ونضيف عليه أنهي عدد؟

طبعًا عارفين إنه عملية الجمع عملية إبدالية؛ وده معناه إن مش مهم أبدًا الترتيب في عملية الجمع. يعني نقدر نجمع ما ادّخره سامح في الشهر الأول اللي هو تسعمية وخمستاشر، زائد تسعمية خمسة وتمانين، وبعدهم نجمع تسعمية وأربعين. أو العكس؛ نقدر نجمع تسعمية خمسة وتمانين، زائد تسعمية وخمستاشر، وبعدين نجمع تسعمية وأربعين. وهكذا.

هنجمع دلوقتي مثلًا تسعمية وأربعين، زائد تسعمية وخمستاشر. وبعد ما نجيب حاصل جمعهم، هنجمع عليهم العدد التالت.

هنجمع الأرقام الموجودة في خانة الآحاد؛ صفر زائد خمسة بيساوي خمسة. وأرقام الموجودة في خانة العشرات؛ أربعة زائد واحد بخمسة. وخانة المئات تسعة زائد تسعة بيساوي تمنتاشر.

مجموع العددين الأولانيين كان هو العدد ألف تمنمية خمسة وخمسين. وهنضيف عليه العدد التالت اللي هو تسعمية خمسة وتمانين.

هنجمع أرقام خانة الآحاد مع بعضها؛ خمسة زائد خمسة بيساوي عشرة. وعشرة عدد مكوّن من رقمين، فهنكتب الرقم الأول اللي هو صفر تحت خانة الآحاد، والرقم التاني هنضيفه لأرقام خانة العشرات.

ودلوقتي هنجمع أرقام خانة العشرات، واللي هي واحد زائد خمسة زائد تمنية. واحد زائد خمسة بستة، وستة زائد تمنية بيساوي أربعتاشر، وبرضو أربعتاشر عدد مكوّن من رقمين، فهنكتب الرقم الأول اللي هو أربعة تحت خانة العشرات، وهنضيف واحد اللي هو الرقم التاني لأرقام خانة المئات.

أرقام خانة المئات بقت عبارة عن واحد زائد تمنية زائد تسعة. واللي بتساوي … واحد زائد تمنية بتسعة، وتسعة زائد تسعة بتمنتاشر. فهنكتب تمنية تحت خانة المئات، والواحد هنضيفها لأرقام خانة الألوف؛ واحد زائد واحد بيساوي اتنين.

وهو ده إجمالي عدد الجنيهات اللي ادخرها سامح، واللي هو مجموع التلات أعداد؛ تسعمية وخمستاشر، وتسعمية وأربعين، وتسعمية خمسة وتمانين، كانت العدد ألفين تمنمية وأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.