فيديو السؤال: تحديد شبكة المكعب الرياضيات

أوجد شبكة الشكل الموضَّح.

٠١:٥٥

‏نسخة الفيديو النصية

أوجد شبكة الشكل الموضح.

عندنا الشكل ده اسمه مكعب، وعاوزين نعرف شكل الشبكة بتاعته، هل هي دي؟

الشبكة دي قاعدتها على شكل مربع، تمام؛ لأن المكعب عندنا برضو قاعدته على شكل مربع، ولكن الأوجُه الجانبية ليها على شكل مثلثات، وده مش من خواص المكعب؛ لأن المكعب كل وجه من أوجُهه على شكل مربع، يبقى الشبكة بتاعتنا لازم كلها تكون فيها مربعات؛ يبقى دي مش الشبكة المطلوبة.

طيب هل هي الشبكة دي؟ هنلاحظ إن الشبكة دي كل أوجُهها على شكل مستطيل، وإحنا متفقين إن المكعب كل أوجُهه على شكل إيه؟ مربع؛ يبقى برضو مش هي دي.

طيب هل هي الشبكة دي؟ هنلاحظ برضو إن الشبكة دي كلها مستطيلات؛ لأنها شبكة متوازي مستطيلات؛ فبرضو مش هتكون هي شبكة المكعب.

وعندنا كمان اختيار، هل هي الشبكة دي ولا لأة؟ هنلاحظ هنا إن القاعدة على شكل مربع، والأوجُه الجانبية برضو على شكل المربع، ولكن في وجهين جانبيين على شكل مثلث؛ يبقى مش هو ده الشكل، أو الشبكة اللي بتمثل الشكل.

آخر اختيار عندنا هو ده، هنلاحظ إن هي دي الشبكة بتاعة المكعب؛ لأن قاعدتها على شكل مربع، وكل وجه من أوجُهها الجانبية على شكل مربع؛ يبقى هي دي الشبكة اللي بتوضح المكعب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.