فيديو: المقارنة بين الأعداد الصحيحة

سوزان فائق

يوضح الفيديو كيفية المقارنة بين الأعداد (أكبر من، أصغر من، يساوي) باستخدام القيمة المكانية وخط الأعداد.

٠٥:١١

‏نسخة الفيديو النصية

في الفيديو ده هنتكلّم عن المقارنة بين الأعداد الصحيحة. عندنا طريقتين للمقارنة. إن أنا أقارن على خط الأعداد، أو إن أنا أقارن بالقيمة المكانية. خط الأعداد عبارة عن خط، بنكتب عليه الأعداد. وبنرتّبها من الأصغر بيبقى عَ الشمال، والأكبر بيبقى عَ اليمين، زيّ كده. بتبقى المسافة بين الأعداد متساوية. واحد وأربعين ألف، واحد وأربعين ألف وواحد، واحد وأربعين ألف واتنين. وإحنا طالعين … فبيبقى أكبر رقم على اليمين، وأصغر رقم على الشمال.

بنستخدم رموز للمقارنة. يعني عندي العلامة دي مثلًا، بنقول عليها «أقل من» . العلامة دي بنقول عليها «أكبر من». العلامة دي بنقول عليها «يساوي». من خط الأعداد، واضح إن واحد وأربعين ألف وواحد، على يمين الواحد وأربعين ألف. يبقى معنى كده إن الواحد وأربعين ألف وواحد، بتبقى أكبر من واحد وأربعين ألف. طيب واحد وأربعين ألف وخمسة … واحد وأربعين ألف وخمسة، بتبقى أصغر من واحد وأربعين ألف وستة. واحد وأربعين ألف واتنين، هي نفسها واحد وأربعين ألف واتنين، بتساويها.

نقلب الصفحة، ونتكلم على الطريقة التانية اللي بنستخدمها في المقارنة. نقلب الصفحة، ونتكلم على الطريقة التانية، إزاي أقارن بين الأعداد الصحيحة. الطريقة التانية بتستخدم القيمة المكانية للرقم. يعني لو عندنا عدد ده: مليون ميتين تلاتة وخمسين ألف تسعمية وتلتاشر. وعدد تاني: مليون تمنمية ستة وتلاتين ألف وخمسمية وتسعة.

هنرتّب كل رقم، في الخانة اللي زيّه بالظبط مع الرقم اللي تحته. ونبتدي نقارن. نشوف الرقم، واللي فوقيه. يعني مثلًا هنا الواحد، هنقارنها بالواحد. هنبدأ من أقصى الشمال. هنلاقي إن الواحد زيّها زيّ الواحد. يبقى كده ما فيش واحدة أكبر من التانية.

طيب ناخد الخانة اللي بعدها على طول. هتبقى التمنية أكبر من الاتنين. يبقى معنى كده إن العدد ده كله، أكبر من العدد ده. يبقى نعمل إيه؟ أول حاجة هناخد أقصى الشمال، الخانة اللي في أقصى الشمال، نقارنها بالخانة اللي تحتها. لو طلعت أكبر، يبقى خلاص العدد ده أكبر. لو طلعت زيّ بعض، يبقى هناخد الخانة اللي بعدها على طول. الخانة اللي بعدها طلعوا زيّ بعض، ناخد الخانة اللي بعدها. ونقعد ننزل، لغاية ما نوصل لخانة الآحاد.

في العددين دول. إحنا وصلنا لأن المليون ميتين تلاتة وخمسين ألف تسعمية وتلتاشر. أصغر من مليون تمنمية ستة وتلاتين ألف خمسمية وتسعة.

ناخد مثال كمان معانا. خمسين ألف ربعمية واتنين، وخمسين ألف ربعمية وستة. عايزين نقارن ما بينهم. مين الأكبر، ومين الأصغر؟ هنرتّب الخانات تحت بعض. الخمسة مع الخمسة، زيّ بعض. الصفر مع الصفر، زيّ بعض. الأربعة مع الأربعة، زيّ بعض. الصفر مع الصفر، زيّ بعض. الستة أكبر مِ الاتنين. يبقى العدد خمسين ألف ربعمية وستة، هيبقى أكبر من خمسين ألف ربعمية واتنين.

نقلب الصفحة وناخد مثال كمان. عندنا مدينة سكانية، فيها عدد أشخاص بيلعبوا كورة. في القاهرة كانوا خمسين ألف ستمية اتنين وأربعين. في أسوان كانوا سبعين ألف وتمنمية. كانوا في إسكندرية عشرين ألف واحد بس. هنعمل إيه؟

هنرتّب الخانات تحت بعض. يعني الرقم الأولاني هيبقى: الاتنين، تحتيها الصفر، تحتيها الصفر. الأربعة، تحتيها الصفر، تحتيها الصفر. الستة، تحتيها التمنية، تحتيها الصفر. الصفر، تحتيه الصفر، تحتيه صفر. الخمسة، تحتيها سبعة، تحتيها اتنين.

واضح إن أول خانة عَ الشمال، السبعة أكبر واحدة. يبقى هنا في أسوان أعلى ناس. يبقى أكبر عدد في أسوان. يبقى آدي واحد. وبعدين الخمسة في القاهرة، ده رقم اتنين. ورقم تلاتة هتبقى إسكندرية.

يبقى كده عرفنا إزاي نقارن بين الأرقام. وإزاي نحطّ العلامات: الأصغر من، والأكبر من، أو اليساوي. وده اللي اتكلمنا فيه في الفيديو.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.