فيديو: التحويل والمقارنة بين الأواقي السائلة والأكواب

أكمل ما يلي باستخدام< أو = أو >: ٦١ أوقية سائلة _ ‎ ‎٣٣ كوبًا.

٠٢:١١

‏نسخة الفيديو النصية

أكمل ما يلي باستخدام علامة أصغر من، أو يساوي، أو أكبر من: واحد وستين أوقية سائلة، نقط، تلاتة وتلاتين كوبًا.

دلوقتي عندنا وحدتين مستخدمين هنا ومطلوب مننا نحوّل ما بينهم. وأول وحدة هي الأوقية السائلة. والوحدة الأخرى هي الكوب. والاتنين من وحدات قياس السعة. إيه العلاقة اللي بتربط الوحدتين دول ببعض؟ العلاقة إن الكوب الواحد بيساوي تمن أوقيات سائلة. يعني زي ما إحنا شايفين في الشكل، لو فيه كوب قياسي، هنلاقي إن هو يقدر يشيل لغاية تمن أوقيات سائلة.

لو رجعنا للسؤال اللي عندنا هنلاقي إن إحنا مطلوب مننا نقارن كميتين، بس مالهمش نفس وحدة القياس، وده مش ممكن. لازم نخلّي ليهم نفس وحدة القياس عشان نقدر نقارنهم. طب عندنا … وأحد الوحدات المستخدمة هي الأوقية السائلة، والوحدة الأخرى هي الكوب. خلينا نحوّل الكوب لمّا يقابله بالأوقيات السائلة.

عايزين نعرف هو تلاتة وتلاتين كوب بيقابله كم أوقية سائلة. هيبقى هنضرب تلاتة وتلاتين في عدد الأوقيات السائلة في كل كوب، اللي هي تمن أوقيات. هنبتدي نضرب، تلاتة في تمنية يساوي أربعة وعشرين، أربعة … نحتفظ بالاتنين فوق خانة العشرات. بعد كده نضرب تمنية في تلاتة هيساوي أربعة وعشرين، زائد اتنين يبقى ستة وعشرين. هيبقى حاصل الضرب ميتين أربعة وستين. يعني التلاتة وتلاتين كوب هيساووا ميتين أربعة وستين أوقية سائلة.

دلوقتي بقى نقدر نقارن الكميتين ببعض بعد ما أصبح ليهم نفس وحدة القياس اللي إحنا ثبّتناها على الأوقية السائلة. هنقارن العددين واحد وستين وميتين أربعة وستين. طبعًا العدد الأول بيتكون من رقمين فقط، أما العدد التاني فبيتكون من تلات أرقام. فده معناها إن العدد الأول أصغر من العدد التاني. يبقى نرجع للشكل اللي كان مُعطى عندنا في السؤال، هيبقى واحد وستين أوقية سائلة أصغر من تلاتة وتلاتين كوبًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.