تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قياس زاوية في شكل رباعي دائري بمعلومية قياس الزاوية المقابِلة لها

أحمد مدحت

أوجد ق⦣ﺏﺟد.

٠١:٣١

‏نسخة الفيديو النصية

عندنا في المثال شكل رباعي هو أ ب ﺟ د. وفيه كمان دايرة بتمُرّ برؤوسه الأربعة. وعايزين نوجد قياس زاوية ب ﺟ د.

في الشكل اللي عندنا هنلاحظ إن فيه دايرة واحدة بتمُرّ برؤوس الشكل الرباعي أ ب ﺟ د. معنى كده إن الشكل الرباعي أ ب ﺟ د هو شكل رباعي دائري. وفي الشكل الرباعي الدائري كل زاويتين متقابلتين، متكاملتين. ومن خلال الشكل اللي عندنا هنلاقي الزاوية ب ﺟ د، والزاوية ب أ د متقابلتين. معنى كده إن زاوية ب ﺟ د، وزاوية ب أ د متكاملتان. يعني هيبقى قياس زاوية ب ﺟ د زائد قياس زاوية ب أ د يساوي مية وتمانين درجة.

ومن الشكل اللي عندنا هنلاقي قياس زاوية ب أ د يساوي تمنية وسبعين درجة، فهنعوّض عن قياس زاوية ب أ د بتمنية وسبعين درجة. بالتالي هيبقى قياس زاوية ب ﺟ د زائد تمنية وسبعين درجة يساوي مية وتمانين درجة.

بعد كده هنطرح من طرفَي المعادلة تمنية وسبعين درجة، فهنلاقي قياس زاوية ب ﺟ د يساوي مية وتمانين درجة ناقص تمنية وسبعين درجة. بكده يبقى قياس زاوية ب ﺟ د مية واتنين درجة.