فيديو: استخدام القيمة المكانية لتقريب الأعداد الكبيرة

أيٌّ ممَّا يلي أقرب إلى العدد ٥‎٥٢١‎٣٠٥؟ [أ] ٧٠٠٠٠٠٠ [ب] ٦٠٠٠٠٠٠٠٠٠ [ج] ٦٠٠٠٠٠٠ [د] ٦٠٠٠٠٠٠٠٠

٠١:٣٧

‏نسخة الفيديو النصية

أيّ ممّا يلي أقرب إلى العدد خمسة مليون خمسمية واحد وعشرين ألف تلتمية وخمسة؟ عندنا أربع اختيارات. الاختيار الأول: سبعة مليون. الاختيار التاني: ستة مليار. الاختيار التالت: ستة مليون. الاختيار الرابع: ستمية مليون.

العدد اللي عندنا بيتكوّن من سبع أرقام؛ يعني سبع خانات مكانية. يعني هنبدأ من الآحاد، ونوصل لغاية الخانة المكانية الخاصة بالملايين. ونحطّ كل رقم من الأرقام اللي بيتكوّن منها العدد اللي عندنا، في الخانة المكانية بتاعته. دلوقتي عايزين نقرّب العدد اللي عندنا، لأكبر خانة مكانية؛ يعني عايزين نقرّب لأقرب مليون.

الخطوات اللي بنستخدمها في التقريب، إننا بنحطّ خطّ تحت الرقم اللي في الخانة المكانية المراد التقريب إليها. اللي هي هنا خانة الملايين. وبعدين بنبصّ على الرقم اللي على يمينه. لو كان يساوي خمسة أو أكبر، فده معناه إننا هنزوّد الرقم اللي في الخانة المكانية المراد التقريب ليها، بمقدار واحد. يعني الخمسة اللي في خانة الملايين دي، بعد التقريب، هنزوّد لها واحد، فهتصبح ستة. وبعدين هنحوّل كل الأرقام اللي على يمين الرقم ده، إلى أصفار.

فيبقى كده العدد خمسة مليون خمسمية واحد وعشرين ألف وتلتمية وخمسة، بعد تقريبه لأقرب مليون، هيساوي تقريبًا ستة مليون. يعني دلوقتي نقدر نقول إن ستة مليون هي دي الإجابة الصحيحة، اللي بتمثّل أقرب عدد إلى العدد المعطى عندنا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.