نسخة الفيديو النصية
اكتب معادلة المستقيم المارّ بالنقطتين: اتنين وأربعتاشر، وسالب أربعة وسالب أربعة.
الصورة العامة لمعادلة المستقيم بمعلومية نقطتين عليه: س واحد وَ ص واحد، وَ س اتنين وَ ص اتنين؛ هي: ص ناقص ص واحد، على س ناقص س الواحد، تساوي ص اتنين ناقص ص واحد، على س اتنين ناقص س واحد؛ حيث ده هو الميل.
بالتعويض بالنقطتين: اتنين وأربعتاشر، وسالب أربعة وسالب أربعة؛ هتبقى: ص ناقص أربعتاشر، على س ناقص اتنين، هتساوي … ص اتنين سالب أربعة، ناقص … ص واحد أربعتاشر، على … س اتنين سالب أربعة، ناقص … س واحد اتنين؛ هتساوي سالب تمنتاشر على سالب ستة؛ يعني هتساوي تلاتة.
بضرب طرفين في وسطين، يبقى ص ناقص أربعتاشر هتساوي تلاتة في، س ناقص اتنين، هتساوي تلاتة س ناقص ستة. بجمع أربعتاشر على طرفَي المعادلة، يبقى ص ناقص أربعتاشر زائد أربعتاشر، هيساوي تلاتة س ناقص ستة زائد أربعتاشر.
يبقى ناقص أربعتاشر زائد أربعتاشر بصفر؛ يبقى المعادلة هتبقى: ص تساوي تلاتة س زائد تمنية. ويبقى هي دي معادلة المستقيم المارّ بالنقطتين: اتنين وأربعتاشر، وسالب أربعة وسالب أربعة.
