تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل المعادلات من الدرجة الرابعة بالتحليل

أحمد لطفي

حل المعادلة (٣ﺱ − ١)(٥ﺱ + ٦)(٣ﺱ − ٤)(٨ﺱ + ٧) = ٠.

٠٢:٠٥

‏نسخة الفيديو النصية

حل المعادلة تلاتة س ناقص واحد، مضروبة في خمسة س زائد ستة، مضروبة في تلاتة س ناقص أربعة، مضروبة في تمنية س زائد سبعة، بتساوي صفر.

في البداية عشان المعادلة تساوي صفر، هيكون عندنا أربع احتمالات؛ يا إما تلاتة س ناقص واحد بتساوي صفر، يا إما خمسة س زائد ستة بتساوي صفر، يا إما تلاتة س ناقص أربعة بتساوي صفر، يا إما تمنية س زائد سبعة بتساوي صفر.

أول حاجة إذا كانت تلاتة س ناقص واحد بتساوي صفر؛ عشان نقدر نوجد قيمة س، هنجمع واحد عَ الطرفين، فهيكون عندنا تلاتة س بتساوي واحد. وعشان نقدر نوجد قيمة س هنقسم الطرفين على تلاتة فهيكون عندنا س بتساوي واحد على تلاتة. يبقى كده قدرنا نوجد أول قيمة لـ س، وكانت س بتساوي واحد على تلاتة.

بالنسبة لمّا تكون خمسة س زائد ستة بتساوي صفر؛ عشان نقدر نوجد قيمة س، هنطرح ستة من الطرفين، فهيكون عندنا خمسة س بتساوي سالب ستة. وعشان نقدر نوجد س هنقسم الطرفين على خمسة فهيكون عندنا س بتساوي سالب ستة على خمسة. ويبقى كده قدرنا نوجد تاني قيمة لـ س، وكانت س بتساوي سالب ستة على خمسة.

بالنسبة لو كانت تلاتة س ناقص أربعة بتساوي صفر؛ عشان نقدر نوجد قيمة س، هنجمع أربعة على الطرفين، فهيكون عندنا تلاتة س بتساوي أربعة. وبعدين عشان نوجد قيمة س هنقسم الطرفين على تلاتة، فهيكون عندنا س بتساوي أربعة على تلاتة. ويبقى كده قدرنا نوجد تالت قيمة لـ س، وكانت س بتساوي أربعة على تلاتة.

لو كانت تمنية س زائد سبعة بتساوي صفر؛ عشان نقدر نوجد قيمة س، هنطرح سبعة من الطرفين، فهيكون عندنا تمنية س بتساوي سالب سبعة. وعشان نوجد قيمة س هنقسم الطرفين على تمنية، فهيكون عندنا س بتساوي سالب سبعة على تمنية. ويبقى كده قدرنا نوجد رابع قيمة لـ س، وكانت س بتساوي سالب سبعة على تمنية.

ويبقى حلول المعادلة هي: س بتساوي واحد على تلاتة، وَ س بتساوي سالب ستة على خمسة، وَ س بتساوي أربعة على تلاتة، وَ س بتساوي سالب سبعة على تمنية.