فيديو: تحديد العدد الذي يحقِّق متباينة مُعطاة

أكبر عدد صحيح يحقق المتباينة ﺱ >٦ هو _. [أ] ٤ [ب] ٥ [ج] ٦ [د] ٨ [ﻫ] ٩

٠١:٣٣

‏نسخة الفيديو النصية

أكبر عدد صحيح يحقق المتباينة س أكبر من ستة هو نقط. ومعطى عندنا الاختيارات؛ أ: أربعة. ب: خمسة. ج: ستة. د: تمنية. ﻫ: تسعة.

فعشان نجاوب السؤال، خلّينا الأول نشوف المتباينة اللي عندنا. والمتباينة هي س أكبر من ستة؛ فبالتالي علشان المتباينة تتحقق يبقى لازم س تكون قيمتها عدد أكبر من ستة.

فلمّا نيجي نشوف الاختيارات اللي عندنا، هنلاقي الاختيار أ أربعة، وأربعة أقل من ستة؛ فبالتالي مش هتحقق المتباينة. وبعد كده اختيار ب خمسة، وبرضو خمسة أقل من ستة؛ فمش هتحقق المتباينة. بعد كده الاختيار ج ستة، لكن المتباينة هي س أكبر من ستة، لكن مش أكبر من أو يساوي؛ فبالتالي هيبقى ستة مش هتحقق المتباينة. وأمّا الاختيار د تمنية، فتمنية أكبر من ستة؛ فبالتالي لو قيمة س كانت تمنية هتحقق المعادلة، وبنفس الطريقة تسعة أكبر من ستة فهتحقق المعادلة. لكن السؤال عندنا: أكبر عدد صحيح يحقق المتباينة هو … فإحنا عندنا هنا العددين تمنية وتسعة هم الاتنين بيحققوا المتباينة. لكن عايزين نشوف أكبر عدد فيهم؛ فبالتالي هيبقى أكبر عدد هو تسعة.

وبالتالي هتبقى الإجابة هي الاختيار ﻫ تسعة؛ لأن هي أكبر عدد صحيح بيحقق المتباينة س أكبر من ستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.