فيديو: إيجاد خطوط تماثل شكل ثنائي الأبعاد

هل لعلم جمهورية التشيك خط تماثُل؟

٠١:٥٢

‏نسخة الفيديو النصية

هل لعلم جمهورية التشيك خط تماثُل؟ ومدّيلنا رسمة العلم في السؤال.

في البداية هنفترض إن العلم ده من غير ألوان، ونشوف هل ليه خط تماثُل ولّا مالهوش. في الأول تعالوا نفتكر إيه هو خط التماثل. خط التماثل هو الخط اللي بيقسم لي الشكل لنُصين متماثلين، زيّ بعض بالظبط. لو مرّرنا خط رأسي يقسم العلم نُصين، هل هيكون الخط ده خط تماثُل ولّا لأة؟

تعالوا نسأل نفسنا: هل الجزء ده شكل الجزء ده؟ لأ، الجزء ده مختلف تمامًا عن الجزء التاني. وبالتالي الخط ده مش هيكون خط تماثُل. المرة دي لو مرّرنا خط أفقي، يقسم العلم نُصين؛ هل هيكون خط تماثُل، ولّا لأ؟ هل الجزء ده، هو هو الجزء ده؟ آه بالظبط. قسمه نُصين بالظبط. وأصبح اللي فوق يماثل اللي تحت. وبالتالي الخط ده هيكون خط تماثُل.

تعالوا نطبّق الكلام ده على العلم اللي مدّيهولنا في السؤال، ونشوف هل الخط الأفقي هيكون خط تماثُل ولّا لأ. نسأل نفسنا سؤال: هل الجزء ده، هو هو الجزء ده؟ لأ، مش هو هو. هنا فيه أزرق وأبيض. وهنا في أزرق وأحمر. يبقى الخط ده ليس خط تماثُل. وبكده هتكون إجابة السؤال: لا، لا يوجد لعلم جمهورية التشيك خط تماثُل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.