فيديو: تحديد معادلة جمع الكسور التي تَصِفُ شكلًا موضَّحًا

أيٌّ من جمل الجمع الآتية تصف الشكل الموضَّح؟ [أ] ٦/١ + ٣/٢ = ٦/٥ [ب] ٦/١ + ٣/٢ = ٧/٥ [ج] ٧/١ + ٢/١ = ٦/٥ [د] ٦/١ + ٣/٢ = ٣/١ [ﻫ] ٧/٢ + ٤/٣ = ٧/٦

٠٣:١٤

‏نسخة الفيديو النصية

أيٌّ من جمل الجمع الآتية تصف الشكل الموضح؟ وعندنا خمس اختيارات، عايزين نعرف منهم أنهي معادلة جمع للكسور هي اللي بتوصف الشكل ده. ولأننا عارفين إن الكسر عبارة عن بسط ومقام. والبسط اللي بنكتبه فوق، وبيعبّر عن عدد الأجزاء الملوّنة. أمّا المقام اللي بنكتبه تحت، وبيعبّر عن عدد الأجزاء كلها.

فمثلًا هنلاقي إن المستطيل المتلوّن فيه بالأزرق ده، عبارة عن الكسر واحد على ستة. لأن عدد الأجزاء الملوّنة هو واحد، أمّا عدد الأجزاء كلها هو ست مربعات. وبنفس الطريقة لو مثّلنا المستطيل اللي تحته اللي متلوّن باللون الأصفر ده، في صورة كسر، هيكون عدد الأجزاء الملوّنة هو اتنين. أمّا عدد الأجزاء كلها فهو تلات مستطيلات.

أمّا المستطيل المتلوّن فيه باللون الأخضر. لو مثّلناه في صورة كسر، هيكون الكسر عبارة عن العدد خمسة في البسط؛ لأننا عندنا خمس أجزاء ملونة. أمّا عدد الأجزاء كلها فهو ستة، وهو ده العدد اللي هنكتبه في المقام. فهيكون الكسر المعبّر عن المستطيل ده لوحده، هو الكسر خمسة على ستة.

ودلوقتي لو بصّينا للشكل كله، وقدّرنا قيمة الأجزاء الملوّنة بمجرد النظر. هنلاقي إن الأجزاء الملوّنة باللون الأزرق، واللون الأصفر تساوي بالظبط الأجزاء اللي باللون الأخضر. علشان كده نقدر نقول إن حاصل جمع الكسرين دول، هو الكسر خمسة على ستة. ولمّا نيجي نجمع الكسر واحد على ستة زائد الكسر اتنين على تلاتة، هنلاحظ إن الكسرين مقاماتهم مختلفة. وعلشان نجمع الكسور اللي ليها مقامات مختلفة، لازم نستخدم المضاعف المشترك الأصغر للمقامين.

المقام اللي في الكسر الأول، اللي هو العدد ستة، مضاعفاته: ستة، اتناشر، تمنتاشر، وهكذا … أمّا المقام اللي في الكسر التاني، اللي هو تلاتة، مضاعفاته: تلاتة، ستة، تسعة، اتناشر، وهكذا … فهنلاقي إن العدد ستة هو بالفعل أصغر مضاعف مشترك. فهنعيد كتابة مقامات الكسور بالشكل ده. ونبصّ للكسر الأول، هنلاقي إنه المقام بتاعه هو بالفعل ستة. وبالتالي البسط هيكون هو هو نفس العدد الموجود اللي هو واحد.

أمّا الكسر التاني، المقام بتاعه تلاتة. تلاتة علشان تكون ستة، كنّا بنضربها في اتنين. وبما إننا ضربنا المقام في اتنين، فبرضو هنضرب البسط في نفس العدد؛ علشان نحصل على كسر متكافئ. فاتنين في اتنين بيساوي أربعة. ولو جمعنا الكسرين دول؛ البسط واحد زائد أربعة بيساوي خمسة. على ستة. معنى كده إن الكسر واحد على ستة، زائد اتنين على تلاتة، بيساوي بالفعل الكسر خمسة على ستة. وهو ده الاختيار الأول.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.