فيديو الدرس: الحقائق المترابطة الرياضيات

نسخة الفيديو النصية

هنتكلّم عن الحقائق المترابطة. هنتعلّم إزاي أكوّن مجموعة من الحقائق المترابطة. ومجموعة الحقائق المترابطة هي مجموعة الحقائق التي تربط بين تلات أعداد. هنستفيد من حقائق الجمع والطرح عشان أكوّن الحقائق المترابطة.

يعني مثلًا لو عندي التلات أعداد: اتناشر، وتلاتة، وتسعة. أول حقيقة ممكن أكتبها هي إنه مجموع الأعداد الصغيرة هيساوي العدد الأكبر. يعني تلاتة زائد تسعة هيساوي اتناشر، وتسعة زائد تلاتة هيساوي برضو اتناشر.

وكمان أقدر أستنتج إنه اتناشر ناقص تسعة هيساوي تلاتة، واتناشر ناقص تلاتة هيساوي تسعة. إنه في حقايق الطرح ببتدي بالعدد الأكبر. هناخد مثال.

معطى في المثال التلات أعداد: ستاشر، وتسعة، وسبعة.

بما إنه مجموع العددين الصغيرين هيساوي العدد الأكبر، إذن أقدر أقول إن سبعة زائد تسعة هيساوي ستاشر. وباستعمال خاصية الإبدال أقدر أقول إن كمان تسعة زائد سبعة هيساوي ستاشر. لأن تغيير ترتيب الأعداد المضافة في عملية الجمع ما بيغيّرش ناتج الجمع.

حقايق الطرح: ستاشر ناقص تسعة هيساوي سبعة، وستاشر ناقص سبعة هيساوي تسعة. هنكمّل في الصفحة اللي جايّة.

مثال: أكمل الحقائق المترابطة.

هنلاحظ إنه معطى في المثال التلات أعداد: تمنتاشر، وتسعة، وتسعة.

أول حقيقة هي حقيقة الجمع إن تسعة زائد تسعة هيساوي تمنتاشر. ولأنه تسعة متكرّر إذن حصلنا على حقيقة واحدة بس للجمع. أمّا حقايق الطرح هي: تمنتاشر ناقص تسعة هتساوي تسعة. وكمان لأن التسعة متكرّرة حصلنا على حقيقة واحدة بس للطرح.

إذن في حالة وجود عدد متكرّر هحصل على جملتين من الحقايق المترابطة. هنكمّل في الصفحة اللي جايّة.

تدريبات: أكمل الحقائق المترابطة في كلٍّ مما يلي.

رقم واحد: معطى في السؤال التلات أعداد: أربعتاشر، وتمنية، وستة.

أول حقيقة أقدر أقول إن تمنية زائد ستة هيساوي أربعتاشر. وباستعمال خاصية الإبدال أقدر أقول إن ستة زائد تمنية هيساوي برضو أربعتاشر. أمّا حقايق الطرح فببتدي بالعدد الأكبر. إذن أقدر أقول إنه أربعتاشر ناقص تمنية هيساوي ستة، وأربعتاشر ناقص ستة هيساوي تمنية.

تاني سؤال: معطى التلات أعداد: تلتاشر، وتمنية، وخمسة.

إذن أقدر أقول إنه خمسة زائد تمنية هيساوي تلتاشر، تمنية زائد خمسة هيساوي برضو تلتاشر. أمّا حقايق الطرح فهي: تلتاشر ناقص خمسة هيساوي تمنية، وتلتاشر ناقص تمنية هيساوي خمسة.

تالت سؤال: معطى التلات أعداد: خمستاشر، وتسعة، وستة.

إذن أقدر أقول إنه تسعة زائد ستة هيساوي خمستاشر، وستة زائد تسعة هيساوي برضو خمستاشر. أمّا حقايق الطرح هي: خمستاشر ناقص ستة هيساوي تسعة، وخمستاشر ناقص تسعة هيساوي ستة.

وبكده هنكون اتعلّمنا إزاي أكوّن مجموعة من الحقائق المترابطة. وقلنا إنه مجموعة الحقائق المترابطة هي مجموعة الحقائق التي تربط بين تلات أعداد. وبنستفيد من حقائق الجمع والطرح عشان أكوّن الحقائق المترابطة.