فيديو: تحديد العلاقة بين الزوايا في الهندسة المستوية

حدِّد هل الزاويتان ∠٥ و∠٦ متجاورتان أم متقابلتان أم غير متجاورتين ولا متقابلتين.

٠١:٢٩

‏نسخة الفيديو النصية

حدد هل الزاويتان خمسة وستة متجاورتان أم متقابلتان أم غير متجاورتين ولا متقابلتين.

ومعطى عندنا الشكل اللي قدامنا، وعايزين نحدد الزاويتين خمسة وستة هل هما متجاورتين أم متقابلتين أم غير متجاورتين ولا متقابلتين.

وخلينا نفتكر إن الزوايا المتقابلة هي الزوايا اللي بتتكوّن نتيجة تقاطع خطين مستقيمين، يعني مثلًا الزاوية ستة هتبقى الزاوية اللي بتقابلها هي الزاوية تلاتة، وبنفس الطريقة هتبقى الزاوية واحد الزاوية اللي بتقابلها زاوية أربعة؛ فالزوايا دي بنسميها زوايا متقابلة، أما بالنسبة للزوايا المتجاورة فخلينا نفتكر إن الزاويتين المتجاورتين هما زاويتين ليهم شعاع مشترك خارج من راس الزاوية، فمثلًا لو جينا نشوف الزاويتين خمسة وستة؛ هنلاحظ إن هما الاتنين بينهم شعاع مشترك، والشعاع ده بيخرج من رأس الزاوية، وفي نفس الوقت الشعاع ده بيقع بين شعاعين آخرين اللي هما الشعاعين دول، واللي بيخرجوا من نفس راس الزاوية؛ فمعنى كده إن الزاويتين خمسة وستة هما زاويتين متجاورتين.

فبالتالي هتبقى إجابة السؤال حدّد هل الزاويتان خمسة وستة متجاورتان أم متقابلتان أم غير متجاورتين ولا متقابلتين، هي متجاورتان.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.